Monday, 6 August 2018

Kama Mumeo anakupenda hatoruhusu ufanye haya...


Kutokana na wakati tuliopo ambapo  kuna "informations" nyingi kuhusu nini hasa Mwanamke anapaswa kufanya au kuwa na hivyo kuibua kukanganyana na kudanganyana kuliko wakati wowote ule wa maisha ya Mwanadamu(nimeongeza chumvi, sijui historia ya Mwanamke kabla ya 1900). Hata hivyo bado haiondoi  ukweli kuwa kuwa Mwanamke  mbele ya Wanawake wa kisasa ni Kazi ya Ziada.



Mara nyingi sie(wewe na wenzio) wa Kisasa huwa tunaambiana kuwa mwanaume hana haki juu ya mwili wako au uamuzi wako wa nini unataka kufanya na mwili wako(mavazi/Urembo) which it is true  kama ni Mpitaji(boyfriend) lakini ukiwa  kwenye Ndoa/Uhusiano Mwanaume kuonyesha kuwa anajali nini unaweka juu ya mwili wako ni dalili kuwa mwanaume huyo anakupenda na sio kwamba hajiamini au anahofua kuibiwa.



Wengi mnadanganyana kuwa Mume(au Mume mtarajiwa) akikukataza usifanye mambo kadhaa ni kuwa anaku-control, Nyanyasa au ni Dikteta kwenye uhusiano wenu. Tunasahau kuwa yeye ni mwanaume na hivyo anajua ni namna gani Wanaume wanavyotuona, wanavyotuchukulia tofauti na sisi wanawake tunavyojiona/chukulia.


Mwenza wako anakupenda ikiwa haruhusu yafuatayo;-

*Utoke peke yako(au na Watoto kama mnao) ukiwa umevaa nguo fupi/zinazoonyesha baadhi ya maeneo ya mwili wako ambayo yanavutia. Ukibisha/lalamika ooh "ulinikuta nikivaa hivi na ukanipenda, niache usinibadilishe". Atakubali na atasisitiza uvae hivyo ukiwa nae au ukiwa nyumbani.

Yeye kuweka zuio hilo sio kwamba hajiamini  kama unavyodhani bali ni kujali usalama wako  na kuepusha adha ya Wanaume wengine kukukosea/shushia heshima(miluzi, kutoa maneno ya kukutamani au kukufuata/shika).


*Ulale usiku mzima ukiwa na hasira, hata kama umewahi kulala kabla yake atahakikisha anakuweka karibu ili ujihisi "protected", sio mara zote ukiamka mikononi mwake baada ya kukasirika ni kwamba anataka Ngono. Wakati mwingineni kuomba msamaha na wakati mwingine ni kukulinda au vyote.


*Kupoteza mvyuto wako, hatokwenda kulalamika kwa watu kuwa umekuwa mchafu au hujipendi tena tangu umejifungua watoto wenu bali atakukumbusha mf; "Mke wangu enzi ulikuwa unajipenda sana, ulikuwa hutoki nje bila kujiremba, namtaka mke wangu yule wa enzi" na atakusaidia kukabiliana na majukumu ya nyumbani na mtoto ili upate muda wa kujijali na kujirudishia mvuto wako tena au zaidi ya ulivyokuwa kabla ya Mtoto kuzaliwa.


*Ujishushe, mf; Ki-career au kimuonekano. Ukilalamika kuwa umekuwa sio "smart" tena na pengine umekuwa sio "ambitious"  tena labda ya kukaa nyumbani muda mrefu(Likizo ya Uzazi), yeye atakupa wazo la ama kubadili career(rudi shule), kamwe hatokuambia "natengeneza pesa za kutosha, au nitaongeza huitaji kurudi kazini". Ukiamua kuwa mama wa nyumbani itakuwa ni wewe binafsi.


Ukilalamika kuwa umenenepa/konda nakupoteza shape  na hupendi ulivyo...kamwe hatokuambia "fanya mazoezi upungue au "kula unenepe" atakuambia na  kukuhakikishia kwamba yeye haoni tofauti na uache upuuzi(kujishusha).


Ukisisitiza sana(labda kwa vile kweli unajisikia ovyo sababu hujazoea mabadiliko ya mwili wako) basi atasema "kama ni muhimu kwako  basi kupungua/nenepa ila kwangu you look sexier after kids"..


*Mtu yeyote kukushushia Heshima hata kama ni Mama yake, achiliambali ndugu na marafiki. Pengine anaweza asioneshe hivyo moja kwa moja lakini mara zote atakuwa upande wako na kujaribu kukulinda na kukuondoa sehemu ya tukio. Ata-deal na watu wake na kuwaonya kuwa hataki kuona wanakushushia heshima.


Mumeo anaku-control, Nyanyasa au ni Dikteta ikiwa tu;-

Aanakukataza usiwe na marafiki(wazuri), usitembelee Ndugu, Usiunguze chakula hata kwa bahati mbaya, anakupiga, anakutukana, hakuheshimu mbele ya Ndugu zake, hafanyi mapenzi na wewe(anafanya ngono tu), hataki ujitegemee Kiuchumi, hajali career yako n.k.



Ahsante kwa kuichagua Blog hii, tambua kuwa nathamini muda wako hapa.
Bai.

Monday, 16 July 2018

Muendelezo wa Twiti yangu ya "if he is hot, don't let yourself go"...


Miaka mitatu iliyopita niliandika kuhusu Wanaume wapenda nachuro byuti, kama ilikupta isome hapa kisha tuendelee. Kwanza habari za leo? mie nipo Likizo, aina ya Likizo ambapo unafanya yote uyafanyayo unapokuwa nyumbani isipokuwa haupo nyumbani. Achana na hili.


Kuwa shabiki wa "natural beauty" wakati unavaa Nguo, unaoga maji Safi ya Bomba(yana Kemikali), unavuta hewa kila siku(imejaa toxic), unakula vyakula vinavyotunzwa kwa kutumia Kemikali ili kuepusha magonjwa/wadudu, Ukiugua unatumia Tiba ya Kisasa, Unatumia Simu kuwasiliana  n.k. sio rahisi.



Hakuna tatizo la mtu kupenda Urembo wa Asili na hakuna tatizo kwa yeyote anaependa Urembo wa kununua/jiongezea ailimradi tu hambadilishi na kukufanya uonekane mtu mwingine. Imekuwa ni kawaida kwa baadhi ya wanaume kusakama Wanawake wanaopenda kujiremba(usually wasio kuwa na pesa, maana makeups sio chee).


Kutokana na maisha yalivyo  hivi sasa (Wanawake tunafanya yaliyokuwa yakifanywa na Wanaume pekee) na mabadiliko ya Hali Nchi(are those words?) inakuwa  ngumu kwa Mwanamke kuonyesha "unamake wake" na hivyo wengi kujikuta wanakuwa kama Wanaume kima vazi, kimaongezi na wengine mpaka miondoko inabadilika hihihihi ili tu "kuheshimika" aka wasionekane wanavutia.
(Unajisemea ge to to the point Dinah hehehe nakusikia)


Wanawake tunapenda kuonyesha uanamke wetu kwa aina mbali mbali tofauti, nyingi huwa faraghani/nyumbani na chache kwenye kadamnasi mf, jinsi tunavyotembea, mavazi, kujiremba/pamba/jipenda,  jinsi tunavyo ongea, kula n.k.


Uanamke wetu huyumba tunapojifungua au tunapokuwa na Mwanaume ambae anadai kuwa anapenda nachuro byuti yako  huku yeye anajipendezesha na daily yupo "Hot" kimuonekano. na wewe unaonekana kama msaidizi wake na sio mwenza wake. lakini unajiachia tu na huoni sababu ya kujijali/penda/remba kwa sababu Mumeo anapenda Unachuro wako.


Mumeo ambae Hot sio anajipenda for nothing, huko endako anakutana na "hot" wenzie, anaona wanavyopata attention na pengine na yeye anazitoa na kuzipokea lakini hataki kabisa wewe uzipate na hivyo kumpa amani Moyoni kuwa Hakuna "hota" mwingine atakaevutiwa na wewe kwasababu sio "hot". Ana uhakika kabisa wewe huwezi kuvutiwa na "no so hot" kwasababu yeye ni "Hotter"...sijui umenielewa?


Kama mumeo anajipenda(ata asipojipenda) hakikisha unajipenda, unajijali....nyumba haihitaji wanaume wawili bali Mwanaume na Mwanamke, tumia uanamke wako kuweka tofauti hiyo wazi. Jirembe, Fanya  mazoezi(kwa afya sio kukonda), remba nyumba yako, usafi wa mazingira(sukuma mumeo na watoto wasaidie).

Marehemu Bibi yangu (mfundaji) alinambia "Ukiolewa sio ruhusa kwa wanaume wengine kuona Sura yako ikiwa Uchi, hiyo sura ni kwa ajili ya Mumeo tu hivyo jirembe"....mimi nakuambia ikiwa mumeo anavutia, mtanashati usijiachie Jirembe, pendeza,vutia.

Tambua nathamini Muda wako hapa, ahsante kwa kuichagua Blog hii.

Bai.

Sunday, 15 July 2018

Kuwa "affectionate" kwa Mwenza wako kunaweza haribu Ndoa/Uhusiano wenu...



Baadhi ya watu hasa Vijana wanapenda sana kuonyesha "hisia" zao kwa vitendo, katika umri mdogo ambao ndio kwanza unajifunza Ujinsia wako, "Affection" goes a long way. Katika hali halisi huitaji zaidi ya kuhisi unapendwa na  kupata uzoefu wa mwili wako unavyoibua Msisimko wa raha ambao hujawahi kuuhisi tangu Ubalehe/Vunje Ungo.


Wengi huamini wapenzi wanaofanya hivyo basi huwa na uhusiano/ndoa yenye Afya. Ukweli ni kuwa sio mara zote, sio tu kwamba kuna wakati mnajikuta hamna muda kutokana na mtindo wa maisha ya sasa bali inapoteza uzito/umuhimu(ni vema kuirudisha time to time).



Utajiuliza kwanini kuonyesha "hisia" zako kwa vitendo kuharibu uhusiano/ndoa wakati ukifanya hivyo unajisikia vizuri/raha na kuwa karibu zaidi na mwenza wako? Jibu ni rahisi tu, Kwenye Ndoa kuonyesha Hisia zako ni rahisi kuliko kukabiliana na "issues" kubwa au hata  kuchangia maoni yako au kumshauri mwenza wako labda kikazi, kifamilia(kule alikozaliwa), maendeleo n.k.



Pamoja na kuwa "affectionate" ni muhimu, kumbuka sio muhimu kila wakati kila siku, wakati mwingine Mume/Mke anahitaji zaidi kutoka kichwani kwako(Matumizi ya Akili) na sio kushikwa-shikwa(tomaswa), lambwa-lambwa(mabusu), nuswa-nuswa au kukumbatiwa na kunong'onezwa.


Stori time: Nimewahi kufanya kazi(ya kushauri) Pea moja kitambo hivi, Mke mtu alikuwa mzuri kweli kwenye kuonyesha "hisia" zake  kwa vitendo kwa mumewe wa Miaka 12. Lakini akawa anashangaa kwanini  siku hizi Mume wake haonyeshi furaha kama awali. Akawa anahisi labda mumewe kapata mtu mwingine nje ya Ndoa yao.


Mume mtu alikili kuwa anashukuru kuwa anaporudi kutoka Kazini Mkewe anampokea kwa furaha, kumkumbatia na kumpa mabusu kendekende, wakati mwingine kumuandalia "bath" maalum na kumkanda mwili ili kuondoa Uchovu. Lakini pamoja na yote hayo bado anahisi anahitaji zaidi kutoka kwa Mkewe, kwamba anahitaji Ushauri/changamoto na kuwekwa sawa zaidi ya kusikilizwa na kupozwa kwa "affection".


Natambua kuwa Wanawake wengi ambao ni "traditional" lakini tumetoa mavumbi machoni(mimi Mmoja wao) tunapenda kuwafanya waume wetu wajione "Wanaume" kwa kuonyesha nguvu yetu ya u-feminin. Tatizo baadhi hupitiliza au hawajui namna ya ku-balance the two. Kwamba kuwa wa Kizamani na wa Kisasa kwa wakati mmoja.


Ni muhimu kwenda na wakati lakini usisahau Asili ya Mwanadamu, Mwanaume anapenda kujiona/hisi  kuwa Uanaume wake unaheshimiwa na Mwanamke anapenda kuhisi Uanamke wake unathaminiwa. Lakini hapo hapo Ndoa/Uhusiano wa "ndio bwana" na too much affectionate hupelekea upande mmoja kuhisi haupati Changamoto na hivyo kwenda kuisaka kwingine au kuwa mkorofi(jinsi anavyo ongea na wewe) ili tu Usimame na kumuweka sawa.



Changamoto ninayoizungumzia hapa sio ya kuongeza Kimada, kama ambavyo baadhi ya wanaume Tanzania wanavyo amini kuwa ili Mkeo "achangamke" basi mtafutie mwenzie....hilo sio suluhisho bali unyanyasaji wa Kihisia, Kisaikolojia na Kakili kwa Mkeo na watoto wenu,


Changamoto ninayozungumzia hapa ni Mf: Mume kaleta  wazo la Mradi mpya na anakuelezea jinsi gani ataufanya n.k., wewe unaishia kumpongeza na kutoa maafeksheni yako, badala ya kuhoji na kutoa maoni yako kulingana na maelezo alioyokupa ili kumuongezea "ideas".


Au amekuwa akifanya Shughuli ile ile tangu mmekutana na haionyeshi kuboresha maisha yenu, badala ya kumpa changamoto  na kumsaidia/fanya awe "ambitious" wewe unaendelea tu kutoa mafeksheni yako na "ndio bwana" zako na kuishi kwa mazoea.


Wanaume hawafanani, kwasababu uliambiwa kwenu sijui kwenye Kitchen party au Imani yako ya Dini kuwa Mume habishiwi, mwanamke ni kukaa kimya haina maana Mume wako ni mmoja wa wale walio waoa hao watoa mafunzo.

Pamoja na yote, kumbuka Wanaume wengi wanapenda Changamoto.

Ahsante kwa kuchagua Blog hii. Nathamini muda wako hapa, mpaka wakti mwingine tena,


Bai.

Tuesday, 29 May 2018

Dini inaweza kuyumbisha Ndoa/Uhusiano wako....


Heri ya J'Nne,

Kama nilivyokuahidi Wiki (mbili na Siku Moja) iliyopita (bonyeza hapa kama ulipitwa) kuwa nitakuja nikukumbushe tu ni kwa namna gani Imani yako ya Dini inaweza kuyumbisha Ndoa au Uhusiano wako.


Kwa kawaida wengi hudhani kuwa mtu anapokuwa Mumini Mzuri wa Dini au "anamuogopa" Mungu ndio atakuwa muaminifu, atampenda kwa dhati, atakuwa  mkweli, hatomuumiza na mengineyo mazuri mazuri.


Ukweli ni kuwa Mtu wenye Dini mara nyingi huwa mwepesi kutenda "dhambi" au yale ambayo hayaruhusiwi na Dini zao akijua kuwa atasamehewa, sio tu na Mungu bali wewe Mwenza wake unapaswa kumsamehe. "Ikiwa Mungu aliemuumba anatuambia tusamehe iweje wewe ushindwe kunisamehe".


Mazoea hayo ya kutegemea kusamehewa kila unapofanya makosa ya makusudi hupelekea upande mmoja kuhisi upweke na kuondoa Amani na Furaha kwenye Uhusiano /Ndoa. Hii inaweza kupelekea kujitenga na pengine kutafuta furaha Nje ya Muungano wenu. Hilo moja.


Pili, Imani yako ya Dini inakuzuia kufurahia Tendo vilivyo kwa kuwa "Freak" unapokuwa faragha na Mumeo au mnakuwa waoga kujaribu vijimambo vingine ili kufurahia uumbaji wake Mungu. Unahisi kuwa Mungu hatopendezwa kwa sababu wanaofanya hayo ni "Malaya".


Sasa kwa baadhi, wakikosa "u freak" kutoka kwa wenza wao, huamua kujaribu nje....ukimuona Mama wa Mchungaji/Mtumishi anavyojiheshimu huwezi amini anayoyafanya kwa Kiongozi wa Kwaya. Ukimuona Sheikh huwezi kuamini anayofanyiwa Mwalimu wa Madrasa(hihihihihi), kabla hujakasirika, hebu malizia aya ya mwisho.


Nnacho jaribu kusema hapa ni kuwa Imani yako ya Dini isiwe Kikwazo cha wewe kushindwa kumunysha Mwenza wako Ujuzi, Utundu, wehu wako n.k mnapokuwa Faragha. Natambua mmeambiwa maneno yafananayo na  "Mume huna mamlaka juu na Mwili wako bali Mkeo na Mke huna Mamlaka juu ya Mwili wako bali Mumeo"....hii haina  maana kufanya Tendo kwa namna ile ile kila siku, bali kuwa huru kuufanyia chochote (kizuri) Mwili wa mwenza wako ili kumpa Raha(well this is my logic).


Nisikuchoshe, nathamini Muda wako hapa.
Mapka wiki Ijayo....kwasasa, bai!

Monday, 14 May 2018

Social Media, kama ilivyo kwa Dini ni chanzo cha Ndoa/Uhusiano wako kuyumba.


Jambo!

Siku kadhaa niliuliza "kiutani" kuwa Tatizo la Upungufu wa Nguvu za Kiume  kwa Vijana(chini ya Miaka 60)Nchini Tanzania au pengine Afrika linasababishwa na nini? Wawili watatu walidai kuwa Vijana siku hizi wanapiga Mkono(kujichua) kupitiliza, binafsi nilidhani kuwa ni Mawazo kutokana na Ukosefu wa Ajira(Kipato).


Hivi majuzi nikakutana na Majadiliano ya Vijana (huku niliko) wakijadili ni namna gani Instagram inawafanya washindwe kuwa watendaji wazuri Kitandani. Sio tu kwamba hawawezi ku-perform bali pia wakifanikiwa kuinuka basi mwenzo huwa mreeeefu na hawafikii mwisho.


Kwa kawaida(kiuzoefu) Mzunguuko wa kwanza unaenda kwa Dakika 45 bila Mwanamke kuhisi kuchoka na bila kubadilisha Mikao(unabadili movements za Kiuno/Nyonga), na hii ni kwa Mwanamke mwenye uwezo wa "kukojoa" zaidi ya  mara moja ndani ya Mzunguuko Mmoja(Hisabati nazo zinanifuata kila mahali...I don't like them huh!).


Kumbuka baada ya Mwanamke(wa kawaida, sio sie special wa Goli 3 per Mzunguuko hihihihi) kufika Kileleni(kukojoa) ataweza kukusindikiza kwa dk nyingine 20, zaidi ya hapo anaishiwa "hamu" na kuanza kukauka na hivyo kufanya Tendo kuwa karaha.


Sasa unajiuliza Insta inaingilianaje na Mwendo mrefu au kushindwa kiutendaji? Well ni rahisi tu. Mwanamke wako sio kama wale unaowaona kwenye Instagram. Huenda wewe ni mmoja kati ya wale wengi ambao Mlifunga Ndoa kwa kufuata Tabia njema/Alikuwa mbele yako/Umetafutiwa/Umri unakutupa Mkono na sio Tabia njema, Mwonekano uutako kipindi chote kabla ya Uzee na labda Akili na utayari wa kutulia(umemaliza Starehe za Ujana).


Nani anafanya mapenzi na Akili au Tabia njema? Sawa  pengine kwenu Wanaume muhimu ni kuingiza tu basi, lakini kuwa wazi na nafsi yako! Utataka kuingiza tu ikiwa huna jinsi (upo desperate) lakini ukiwa na Choice/option sidhani kama utaingiza tu popote, lazima macho yako yapendezwe, yavutike na muonekano wake.


Au kama hujaoa basi inakuuwia vigumu kuwa na Mwanamke umtakae kama wale uwaonao Instagram. Mara nyingi unatamani ungefanya nao mapenzi, lakini kutokana na umbali au viwango inakua ngumu. Lakini kwasababu ni Insta inakuwa rahisi kwako kumfuatilia/wafuatilia wachache wanaokuvutia na hata kuzungumza nao.


Ikiwa unatumia muda Mwingi na Insta(Twita na platform zingine) THOTs/Models au Wake za watu inaweza kuathiri Utendaji wako na ukajikuta unahitaji Pombe kali kama vile Jack Daniels au Konyagi, pengine Viagra za Kiasili ili kufanya Tendo vilivyo. Unaweza kudhani ni kawaida yako kupiga Pombe Kali.....lakini ukweli ni kuwa huwezi tena Kiasili kwasababu Picha uliyonayo Kichwani inayokuvutia sio huyo Kimama aliekitandani/mbele yako. Umekuwa tegemezi wa Pombe/na Dawa.


Matumzi ya Bidhaa hizo hukufanya uende mwendo mrefu kupita Kiasi, Mf Jack Daniels unaweza kuondoka hata Masaa Matatu(Kwa Wanawake ukuje next time nikuambie jinsi ya kukabiliana na mwendo mrefu huku ukifurahia) na bado usifikie Mshindo.


Hapa Mwanamke anajishtukia na kudhani kuwa hakuvutii tena kwasababu siku hizi hauji haraka kama zamani, yaani madoidoe yake yote yanapita bureee hata lile Bao la kwanza  baada ya Siku tatu bila Tendo linachukua Nusu saa kuja. Anaanza kukuhisi vibaya, anahoji, analaumu n.k.


Wewe (Mwanaume) pia unaweza kudhani kuwa Mpenzi wako hakuridhishi tena na hajui, kajisahau au unaanza kupoteza Uanaume wako na hivyo kujaribu mwingine nje ya Uhusiano uone tofauti....yeah kuna mijamaa mijinga that much. Badala ya kutafuta suluhu na kubadilisha inaenda kuongeza tatizo. Na huo ndio mwamnzo wa kuyumba kwa Ndoa/Uhusiano wako.


Dini inayumbisha Ndoa/Uhusiano? weeee! Usikose Wiki ijayo.

Kwasasa tambua kwamba nathamini Muda wako hapa na Shukrani kwa Ushirikiano.

Babai.

Monday, 7 May 2018

Jinsi ya kukabiliana na Mwanaume apendae kununa/susa/chuna...



Sio kwamba anapenda (hakuna mtu anapenda kununa)isipokuwa anatabia ya kununa(Kislani/Gubu). Kama ilivyo kwa sisi Wanawake, wenzetu pia huwa wananua ila kununa huko huwa wanakupa Jina lingine tofauti kabisa na Kisilani/Gubu ili wasihusishwe na "Uanamke"(wakiamini ni udhaifu na Mwanadamu pekee dhaifu Akilini mwao ni Sisi).


Utamsikia anang'aka na kusema hana gubu/hajanuna/hajajitenga isipokuwa "siku yangu imeharibika/imeanza vibaya", "usinisumbue nina Mawazo", "Nahitaji muda wa peke yangu kutuliza akili", "Najisikia vibaya" na ikiwa alipoteza Mzazi au Wazazi wote basi hiyo itatumika zaidi..."nimewakumbuka Wazee" nakadhalika.


Tabia hiyo inakera na inaumiza sana, inakupa wewe Mke mtu upweke wa hali ya juu. Inaweza kukupa ushawishi kwa ku-check na Ex au hata kutamani kutafuta kipoozeo. Hivyo kusababisha mtikisiko kwenye Ndoa/Uhusiano wenu ikiwa hakuna Mawasiliano au hamjuani(hamjasomana tabia, kwamba bado ni Wapenzi wapya).


Mara nyingi Mwanamke anaweza kudhani  labda humpendi/jali tena, huenda kuna mtu Mpya(unatoka nje ya uhusiano) au unataka kuachana nae na hivyo unatafuta sababu.


Upweke na Maumivu kwako huongezeka pale unapogundua kuwa anazungumza na Rafiki zake  na kuchekelea(onyesha anafuraha) au Watoto wenu tu lakini wewe unapata majibu ya "Ndio" na "Hapana" na Sura ya Kisilani, au wakati wa kutoka hakuagi kama kawaida yake(sisi ni Busu halafu "am off", ninyi ni nini?)....basi unapata "Am off" tena akiwa Mlangoni....ili usiisikie then akirudi umsute(lalamike) vizuri.



Wakati wa kufundwa(tuliofundwa Oyee)tulifunzwa kuwa Mume anapofanya hivyo(kununa) huwa anatafuta mahali pa kutolea  yaliyoujaza Moyo wake, Wanaume wengi sio wepesi wa kuongelea "hisia" zao . Hivyo wanaamua kukununia ili ukasirike halafu mzozane na hapo apate kuyatoa mahisia yake na ionekane chanzo ni wewe wakati ni yeye.


Muhimu ni kuhakikisha yupo salama lakini muache na kununa kwake mpaka awe tayari ku-share na wewe(in 3 days max). Bila kukupotezea muda na kuongeza urefu wa Bandiko hili, nikuambie ni namna gani unaweza kukabiliana na hilo na hivyo kuepusha Ugomvi;-


Ukigundua "siku yake imeanza vibaya"(ana Gubu/Kanuna/Kajitenga hihihihi), tafuta sababu ya yeye kuwa alivyo leo na muulize kwa upendo tatizo ni nini? Jibu atakalo kupa lichukue, liheshimu na umuache alivyo. Usibishe wala kuongeza ya kwako na hivyo kumuudhi. Hilo moja.


Pili; Endelea na shughuli zako za kila Siku kama kawaida, onyesha kumjali ila usipitilize.

Tatu; Pamoja na kuwa ni ngumu kushirikiana nae Kimwili, jitahidi kumpa atakapohitaji(hasa cha asubuhi).

Nne; Ikiwa wewe ni kama mimi, kwamba unapika kama sehemu ya kuonyesha Mapenzi na umpendae kakununia unaweza kutaka kususa kumpikia ili umkomeshe. Usifanye hivyo, pamoja na ugumu wake kihisia wewe Mpikie  chakula akipendacho.

Tano; Kila mnapoenda kulala, mpe kumbatio(kumhakikishia kuwa unamjali sio la kutaka Tendo).

Sita; Kama mnaishi pamoja Kununa Mwisho siku Tatu, kama mpo mbali mbali mwisho Wiki. baada ya  muda huo lianzishe ili aache kununa. Usianze kwa kulalamika, isipokuwa mkumbushe umuhimu wa kuwasiliana na kuchangia matatizo ya kihisia/kiakili. Kama Wenza ni muhimu kuweka wazi issues na kuzitatua pamoja.

Atafunguka na kuomba radhi na kujielezea. Hakika utashangaa kwanini sasa asingekuambia tangu Siku ya kwanza ulipomuuliza tatizo ni nini? Kumbuka wewe na yeye ni watu wawili tofauti, sio kijinsia tu bali Malezi, Mazingira mliokulia, pengine Kabila/taifa, uwezo kiakili/kimaamuzi, ujasiri n.k.


Nathamini Muda wako, karibu hapa usome Faida za Kununa kwa Mwanamke.

Kwa leo Baibai.