Wednesday, 30 December 2015

Ndugu anaposema "ndugu" yake fulani ni attractive....

.....ni kwamba yupo attracted nae. Yaani anavutiwa nae na uwezekano wa yeye kuwa na "wivu" wa Kimapenzi au Kumtaka kimapenzi ni mkubwa.



Hawa watu wapo kwenye Jamii na nina uhakika inagusa watu wengi ikiwemo mimi mwenyewe na ndio maana Daima huwa nasema Mjomba/Binamu/Mpwa sio Ndugu wa damu kwasababu hatuchangii Damu kwa asilimia 50 au zaidi(hii haina Usayansi).




Kamakawaida nitakupa Mifano au "story" ili kukuburudisha na wakati huohuo kukusaidia unielewe ninaposimamia. Nina wajomba kama most of you, but nilikuwa na Mjomba mmoja(wa mwisho kwa kina Mama) ambae nilimpenda na tulielewana nahisi kwa sababu kiumri tuliendana, kwamba mie nilipokuwa Kidato cha Tatu, Yeye alikuwa Chuoni Mwaka wa Pili.



Tulikuwa tunapatana na kwangu mie alikuwa kama "Kaka" mkubwa kabla ya Kaka yangu (wa damu)ambae ndio Kifungua Mimba wetu. Alikuwa akinifunza Hisabati (unajua mie na Hesabu tulivyo) na pia alikuwa akinisimulia Hadithi za Shida, Kuli, Thing fall a part etc(mie sikuwa nasoma hivyo Vitabu). Simulizi hizo ndizo zilizofanya nifanye vema kwenye Lugha heeey(you wonder why sijui kuandika? hihihihihi pole!).



Anyway....siku Moja sasa Bibi akaitisha Kikao cha Wanawake, akasema "Mama Dinah usimuaminii sana Mdogo wako mbele ya Binti yako(mie), Mwanaume ni Mwanaume tu hata kama Binti ni Mpwa wake".  Mama akanipiga marufuku ku-hang na Mjomba.....nkalia kwa uchungu(nilikuwa sielewi kwanini). Nikalalamika nani atanifunza Hesabu na kunisimulia Kuli etc. Kwani hata alijali?!!





FastFooward: Memaliza Kidato cha Nne, sina Boyfriend wala nini (wachelewaji oyeee)....tupo kwa Bibi tukisheherekea Krismasi. Mojomba akatoa Siri kwangu....kwamba alipokuwa Kidato cha Sita alimpa Mimba Binti wa "kataja Kabila la Baba yangu ambalo ndio langu"....akasema "anaumbo kama wewe"....mie sina hili wala lile nachekaaaa! Akanipa stori yote yaani mpaka yale ya ndani ndani(weka emoji ya kushangaa).


Nkasema Hee! Mjomba unaenda mbali sasa, mie sipaswi kuyajua hayo.....nikaingia mtini. Nkaenda kumsimulia Mama, Mama akasema "Huyo ni mdogo wangu sio Ndugu yako, ni mwanaume kama wanaume wengine, kaa mbali nae". Mkimama nkaanza kujitenga.



Kupunguza Urefu wa Hadithi sasa ili nisikuchoshe. Si nkaolewa bwana.....nilipoolewa kuna Wapwa pia na kuna Mpwa mmoja ambae anampenda sana Mjomba wake ambae ndio Mume wangu. Kabla ya hapo (ndoa) Mume wangu walikuwa akimzungumzia yeye tu akati ana wapwa mia na mbili hehehehe. Nkauliza jamani kwanini ni huyu tu utadhani yupo peke yake? kasema sababu anamuona yeye ni cool Ankal kuliko wengine.




Siku anaongea nae kwa kumkanya, mie Nkamwambia hebu Mwache Binti ajifunze mwenyewe, acha kumfuatilia....akasema "unajua ni binti anaevutia sana na nina hofu watu watamchezea"......akanipeleka nilikotoka. Nkajua hii inatokea kwenye Familia nyingi, lakini kwasababu watu hatujui au hatujali.....tunachukulia Poa na kuamini Mabinti zetu kwa Wajomba zao.





Sasa kwa upande wa Asali wa Moyo ilikuwa tofauti, inaelekea Mpwa alikuwa deep kwa Mjomba wake zaidi yangu kwa Mjomba wangu hehehehe. Binti Mpwa akaanza kufananisha uhusianoo wetu na wake, alipojifungua kaboom akamtumia Mjomba wake Picha ananyonyesha.....sio Titi bali titi na Chuchu(toa macho emoji). Nkashanga mnoooooooo! Nkahoji.....nkaambiwa ni "innocent" picha ya mtoto ananyonya. Nkamsamehe kwani ndio katoka Kujifungua....homono kila mahali.



Nawapenda Wapwa wangu....but am a Woman na the oldest is 7 the youngest is Seven months.....Mwisho.


Ahsante kwa Kuichagua Blog hii, nathamini nakuheshimu muda wako hapa!

Babai.

Thursday, 24 December 2015

Kristmas mwaka huu ni tofauti....


Yeboyebo hihihihi bado mnatumia hili neno? Wasukuma wa Shinyanga (enzi za Usichana) walikuwa wakisema Yebaaa as in Yeah....."Wananchi Mpo?" "tupo tupo kabisa kwa Jeuri ya Chama yee yee yeebaa". Twende kwenye Krismas sasa.


Kwa kawaida mie huwa siandiki kuendana na Nyakati lakini Mwaka huu ni tofauti kwa sababu Waanangu has huyu Mkubwa kanifanya nianze kuipenda na kuifurahia Krismas tena. Miaka 3 nyuma alikuwa Mdogo so hakujali mapambo wala Santa, Mwaka huu anakaribia  miaka 5 na yupo Shule ambako wanafunzwa kama sehemu ya Utamaduni.




Babuu akaandika(makorokocho) Barua yake kwa Santa akiorodhesha zawadi aitakayo na akatengeneza na Bahasha kisha kuiweka na kumpa Baba yake akaipost(which he did, huruma kwa postman mkusanya barua hihihi). Sasa kila leo anamzungumzia Santa na kudai atakuwa extra nice na kunisaidia kusafisha(anaacha toys kila kahali) ili Santa asibadili mawazo na hivyo yeye kukosa Zawadi siku ya Krismasi.




Walipoanza kupamba Shuleni kwako akaja hima nyumbani akitaka na sisi tusimamishe Mmkrismasi(wa nailoni, tunaamini katika kutunza nature hihihihi usitujaji).....kwa maana hiyo humu ndani kuna Mapambo ya Krismasi tangu Novemba 20.....uzuri baridi sio kali sana,vinginevyo ningelalamika wanamaliza Umeme kwa kuwasha mataa 1st thing wakiamka mpaka wanapoenda kulala,....12hrs ya vimulimuli. Anyway, ukiangalia wanavyofurahia na kuhesabu siku zilizobaki kabla ya Krisimasi  kila siku inakupa furaha na kusahau "Gharama" ya Umeme.





Niliacha kusheherekea Krismasi baada ya kujua maana yake ambayo ni zaidi ya Mavazi, kula na kusaza na kisha kupewa pesa (zawadi ya xmass) na kila Mgeni aliekuja kula kwenu. Kwa kifupi ni kwamba sikuwa mtoto tena na vitu hivyo havikuwa na umuhimu tena kwangu.



Ila mwaka huu ni tofauti kabisa, na itakuwa hivyo mpaka Babuu na Kibibi watakapokuwa watu wazima, may be 21yrs later?.....ntakuwa full of Botox na fillers(kutakuwa na better mbadala i guess).


Nakutakia wewe msomaji wangu na familia yako Heri ya Krismas. Furahia wakati wako na kumbuka kuwa Muangalifu kwani siku 7 kabla mwaka haujaisha ni Nyingi zaidi ya kuwa Januari nakuingojea December(sijui umenielewa?).


Naheshimu na kuthamini Muda wako hapa, ahsante kwa kuichagua Blog hii.

Babai.

Wednesday, 23 December 2015

Kupoteza Nywele baada ya Kujifungua Update (Bidhaa)....

Natumaini Post hii itakukuta ukiwa Mzima wa afya.
Kama nilivyoahidi, leo nitakuelezea utaratibu wangu uliosababisha nywele(Relaxed) zangu kurudia Afya yake baada ya kuzipoteza na kupata "upara" wa muda.
Jikoni kuna mwanga asilia, sihifadhi Bidhaa hizi Jikoni....hihihi!




Ukiachilia mbali kuongeza aina ya Mboga iitwayo Kale kwenye Mlo wangu wa kila siku na kula Mayai 2-3 kila asubuhi. Bidhaa hizi zimechangia kwa kiasi kikubwa kuzuia Nywele zangu kuendelea kung'oka/anguka baada ya Kujifungua.



Utaratibu wangu Rahisi.

Kila Siku: Napaka Cantu Shea Butter kila siku asubuhi na Jioni na baada ya kupaka Cantu huwa na-"seal" na Mafuta asilia ya Sweet Almond.



Kila Wiki: Huosha na Deep Condition Nywele zangu mara Moja (kila Ijumaa/JumaMosi) na huwa natumia Cream of Nature shampoo. Baada ya hapo nafanya deep condition kwa kutumia Vitale Mayonaise ambayo huwa nachanganya na Hello hydration (haipo pichani) na aina 2 za Mafuta asilia ambayo ni  Nyoyo(Costor oil ) na Olive(extra virgin.). Huwa nakaa na mchanganyiko huo kwa Dakika 45-Saa Moja nikiwa kwenye Steamer.


Nasuuza kisha napaka Keracare Natural texures na Keracare normal leave ins na kisha kukausha nywele kwa kutumia Blow dryer(nitaweka Picha ya Tools kwenye post nyingine).



Kila  baada ya Mwezi: Naosha(deep clense/clarify) Nywele kuondoa uchafu uliosababishwa na bidhaa nilizokuwa natumia kwa mwezi husika na hapa huwa natumia Vitale Breeze Shampoo na kutumia Mchanganyiko wa Deep conditioner nitumiao Kila Wiki.


Kila baada ya  Mwezi na nusu: Huwa nafanya "Protein treatment" kwa kutumia Aphogee step 2(fuata maelekezo kwa makini) na baada ya hapo huwa natumia Keracare Humecto ili kuepusha ukavu/ugumu kwenye nywele.




Kila baada ya Miezi 3: Huwa nahina(kupaka Hina kwenye Nywele). Hina nitumiayo ni ile asilia moja kwa moja kutoka Mtini(naagiza kutoka Tanzania). Huwa nachanganya na Chai  ya joto kiasi, kisha naiacha kwa masaa 12 then naipaka na kuiacha kwenye Nywele kwa masaa 3 hadi 5.
Baada ya hapo naosha na kupaka Keracare Humecto conditioner ili Nywele zisiwe kavu/ngumu. Hina inaongea "nguvu"  kwenye nywele kama Protein  na pia huzilainisha ila mie naitumia kwa ajili ya Rangi kwani nywele zangu si Nyeusi vya kutosha  na sipendi Weusi wa kutosha  hihihihihi so yeah kale kawekundu ka Hina kanaweka u-brown-ish Nyweleni. 



Hakikisha kuna nafasi ya kutosha kati ya Protein treatment na Hina Treatment. Mie huwa naweka Relaxer kila baada ya wiki 10 na Miezi  Mitatu(Wiki 12) na wiki  mbili  au Tatu baadae ndio nafanya Hina treatment.


Kama hujawahi kujifungua na kupoteza nywele au Nywele sio muhimu kwako basi huwezi kujua umuhimu wa Post hii. Back then hakukuwa na Post nyingi online, nilihangaika mno kutafuta maelezo ya nini cha kufanya na namna ya kufanya (sikuwahi kupatwa na issue hii). Naweka uzoefu wangu ili Mwanamke mwingine mwenye tatizo hili asihangaike sana kama mimi. 


Ijumaa (Christmas day) hii nitanyoosha Nywele zangu na kuchukua picha na kulinganisha na ya 2014 ili niweze uweze kuona  tofauti na "upara" wangu wa muda.....hii itakuwa kwenye Post ya Vifaa vya Umeme nitumiavyo kutibu na kuremba Nywele zangu.



Nathamini na kuheshimu Muda wako hapa, ahsante sana kwa kuichagua Blog hii.

Babai.

Wednesday, 16 December 2015

Tumezaliwa ili tuzae....


....ndio Asali wa Moyo anaamini hivyo, which is Sad really.....but hey mepata topic!




Wazazi wako walipoamua kuanza familia nadhani ilikuwa ni maana ya Ndoa, kwamba mtafanya Tendo hilo ili kuzaliana. Nia na dhumuni la Tendo la Ngono ni kuzaliana, kama hutaki kuzaa basi tumia Kinga (usiolewe/usioe) si ndio?!!




Kwasisi wa kileo ambao tunabaki Shule kwa muda mrefu, Muda wa kufanya Tendo kwa "haki" (kuzaliana) huwa  sio muhimu, lakini pia sio wote tunaweza kuvumilia mpaka muda ufike...hivyo tunaanza Ngono kabla ya Ndoa nakujikinga "Kizungu" Dhidi ya "kuzaliana".



Wazazi kutuzaa sisi ilikuwa uamuzi wao, haikuwa lazima na hakuna aliewalazimisha, sasa kwasababu tu nilizaliwa haina maana na mimi ni lazima nizae. Suala la kuzaa sio rahisi (kwa mwanamke ambae ndio anaezaa)kama ambavyo wengi wanafikiria.




Mwili wa Mwanamke ni wa ajabu in a good way, Ukiachilia mbali Athari na Mabadiliko makuu(mengine yanahatarisha uhai) kwa Mwanamke kwa ndani baada ya kuzaa bado hili suala ni nyeti sana kwa wale ambao hawana uwezo wa Kushika Mimba, kukaa na mimba mpaka ifikie mwisho nakujifungua salama au kupata Mwanaume "anaefaa".




Tunaposema kuwa "tumezaliwa ili tuzae" tunakosea kwasababu Kuzaa sio lazima bali ni Uamuzi kwa baadhi na wengine hawawezi/hawana uwezo wa Kuzaa. Imani hii ni wazi kuwa inawapa Presha Wanawake(kama vile tulizonazo hazitoshi).



Ulipokuwa unakuwa Wazazi wako hawakukuandaa ili uje uzae, walikuandaa Kielimu< Kimaisha ili uweze kujitegemea na kuishi kwa furaha na pengine uwasaidie watakapokuwa Wazee. Unaona? Baba (RIP) na Mama yangu walikuwa wakisistiza kuwa hawataki "Wajukuu" hihihihi go figure!




Suala la Uzazi kwa Mwanamke ni Nyeti mno, huwezi kukurupuka tu na kuzna kusema "mwanamke umeumbwa kuzaa", "tumezaliwa ili tuzae".....vipi kama mtu hana uwezo wa kuzaa? Mwache Mwanamke(kama kajaaliwa uwezo huo) afanye uamuzi wa yeye kutaka Kuzaa, Kuzaa sio lazima, tumezaliwa ili kujifunza, tuishi na kufurahia maisha.....hatukuzaliwa ili tuzae.




Ndio! nakusikia unasema "kama wote tukiamua tusizae Dunia si takuwa tupu" well....zaa wewe uijaze Dunia, wengine ama hawana uwezo, hawapo tayari, hawajapata mtu mwema wa kuzaa nao, au simply hawataki kuzaa.



Naheshimu na kuthamini  Muda wako hapa, ahsante kwa kuichagua Blog hii.

Babai.

Tuesday, 15 December 2015

Hii ndio sababu ya mawifi/Mama wake kutuchukia?


Usinielewe vibaya, mie pia ni Wifi "mkubwa", lakini  tofauti ni...sio  kwamba nawachukia(hawajawahi kunikosea) au nawapenda(sijawahi kuishi nao).....nawachukulia kama walivyo na kuwaheshimu kama wanavyoniheshimu.

Kamwe sijawahi/siwezi kujaji lolote kuhusu wao kwasababu siwajui kama ambavyo Kaka zangu wanawajua Wake zao. Sijawahi kuhoji kwenye  kufanana kwao na watoto wao. Huwa nasema tu mnawatoto wazuri, wapwa wangu wanapendeza n.k. Ikiwa Kaka zangu hawakuwa Makini na wanalea watoto wa wenzao, hiyo ni issue yao, sio yangu.




Sasa, kuna siku nilikuwa nazungumza na Asali wa Moyo wangu kuhusu mambo ya Kijamii na tukagusia Chuki ya Wanawake kutoka Upande wa Mwanaume, akaniuliza hivi ni kwanini? Nkamwambia mie pia ni Wifi(mwanamke kutoka upande wa Kaka zangu) lakini sina Chuki na wala sifuatilii mambo yao na familia zao!



Tukaenda ndani (deep)kidogo, nikagundua kuwa, chuki hii inaweza kusababishwa na moja9au yote) kati ya haya yafuatayo;-

*Mwanamke anajua kuwa yeye ni "powerful" kwenye maisha ya Mwanaume linapokuja suala la Mtoto/Watoto. Ni yeye pekee ndio anajua baba halisi wa Mtoto ni nani! Hofu ikizidi anaanza  kuhisi kutaka kutafuta "ukweli".


*Watoto alionao pengine sio wa Baba ambae sote tunajua ni Baba yake.


Kwahiyo, ikiwa mmoja kati ya Mawifi au Kiongozi(Ma'mkwe) amewahi kufanya kamchezo kachafu na hakuna anaejua ukweli wa "blending family".....hakika hatokuamini wewe. Siku zote atakuwa wa kwanza kuchunguza kucha za mtoto, rangi ya ngozi, nywele, mwendo, kuota meno n.k.




Sasa ikitokea Mumeo ndio "zao" la kamchezo kachafu ka Mama Mkwe basi utajuta hihihihihi.....unafanya DNA na Babu yake(ambae kihalisia si Baba wa mumeo) mtoto anafeli, unafungashiwa virago wewe na mwanao.....Mumeo anakuchukia Milele.




Siku ingine ikitokea Wifi/Mama mkwe anakusumbua bila sababu ya Msingi, ujue issue ni kutokuamini mtoto/watoto wako ni matunda ya Kaka/Mwana wao...... hakuna kulia na kwenda kushtaki kwa Mumeo. Mwambie  hayo mawili niliyokutajia hapo juu kwa namna yako lakini kwa upole na heshima. Utaona atakavyo kuwa Mdogo au Atakavyokuja juu na "umenikosea heshima" huku analia au kutaka kukuvamia......hapo ujue Umeshinda.




Mf: Wifi/Mama naomba tuongee kama wanawake. Mimi na wewe tunajua kuwa ni sisi pekee ambao tunajua Siri ya Baba wa watoto wetu, sasa kama ilitokea ulitereza na unajua mmoja kati ya wanao baba yake sio Kaka/Ba'mkwe kama tujuavyo, haina maana kuwa na mimi nimefanya hivyo au nitafanya hivyo. Watoto wetu wote ni damu moja(Baba na Mama mmoja).



Ahsante kwa kuichagua Blog hii, naheshimu na kuthamini Muda wako hapa.

Babai.

Saturday, 12 December 2015

Kutunza Siri ni Wajibu wako....



...well, inategemea na unachokifanya for a living sio! Si unajua ile Kuapa au kuweka sahihi kuwa kamwe hutotoa siri (ujuayo) ya Kampuni/Mgonjwa/Mteja n.k. isipokuwa tu ikiwa Serikali na Mahakama itahitaji. Hello, natumaini Post hii imekukuta ukiwa na afya njema.




Mie binafsi naamini kuwa kutunza "siri" ya mtu au watu ni wajibu wako. Kutokana na kile nilichokuwa nikifanya Miaka 8 iliyopita baadhi ya watu walijenga Uaminifu kwangu, kwamba walikuwa huru kuniambia mengi  kuhusu wao na maisha yao. Kwa maana hiyo nafahamu mengi ya watu wengi ambao hatufahamiani.



Ile ilikuwa "kazi" ya kujitolea, sijasomea nilichokuwa n akifanua isipokuwa nilitumia uelewa wangu na uzoefu wangu(natambua unalijua hilo), hivyo sikula Kiapo na wala sikutia saini kuwa nitabaki na "siri" za watu Milele(haina maana nitazitoa).



Pamoja na kuwa hakuwa "Kazi" bado nilichukulia na ninaendelea kuchukulia kuwa ni wajibu wangu kuto-share chochote kuhusu watu wote walioniandikia na hata wengine kuongea nami kwa Simu, bila kusahau wale niliobahatika kukutana nao.




Pamoja na kusema hivyo haina maana huwa nakaa na kuanza kurudia mails zao au kufikiria ninayoyajua kuhusu wao kama Wenza au kama Mwanaume/Mwanamke. Sasa ili kuondoa "mzigo" nilikuwa  na kawaida ya kufuta mails mara baada ya mhusika kurudisha feedback.




Kwa wale ambao bado naendelea kuonana nao "online" ni wazi kwamba nikiwaona nakumbuka aah huyu alikuwa na hili na lile, aah yule aliniambia ana hili na lile. Hii hunifanya nihisi kuwa pengine hawa watu wanaweza kuwa na wasiwasi kuwa siku  moja Dinah atakuja kusema niliyowahi kumuambia kuhusu mimi na fulani.




Lengo la Post hii ni kukusaidia uwe na Amani, usinikwepe(hihihihihi) sijawahi na Kamwe, KAMWE sito-share ulichowahi kunielezea. Ni wajibu wangu kuachana na uliyoniambia kama nilivyoachana na Blog iliyokufanya utake Ushauri wangu.




Sio kwamba sijawahi kutoa siri, nimewahi kutoa siri na sababu kuu ya kuitunza ilikuwa kutoonekana "wifi/shemeji" mgomvi. Lakini baada ya miaka Mingi Ndoani nikajua mengi kuhusu Jamaa niliekuwa namtunzia Siri  against Cuz yake(mume wangu), so nikaitoa.....hihihihi the man is my husband. Sina siri kwa Mume wangu ayee!



Heey....naheshimu na kuthamini Muda wako mahali hapa, ahsante kwa kuichagua Blog hii.


Babai.

Monday, 7 December 2015

Kupoteza Nywele baada ya Kujifungua....update!


Ni Mwaka na Miezi kadhaa tangu nikusimulie kuhusu Nywele zangu za kichwani ambazo ni Relaxed(bila shaka). Sasa, tangu tunamaliza Mwaka nimeona sio mbaya kama niki-share safari yangu ya kuwa na Nywele  tena zenye urefu wa kutosha kutengeneza mitindo na pia zenye afya.
Halafu sio mbaya kama nikikutajia/nikionyesha Bidhaa ambazo zimenisaidia kufika hapa nilipofikia. Vilevile nitakuambia ni Bidhaa gani natumia lini na kwa nini(kwenye post nyingine) na nitaambatanisha Picha.

Pamoja na kusema hayo ni vema utambue kuwa Bidhaa hizi hazikuhakikishii matokeo kama yangu, inaweza kuwa bora zaidi yangu au usione mabadiliko yeyote.

Baadhi ya Bidhaa hizi nilikuwa natumia kitambo, baada ya kuhangaika na kujaribu aina nyingine na kutofanikiwa nikaamua kurudi kwenye bidhaa kutoka Vitale, Nikaamua kutumia "Steamer" na "Blow dryer". Awali nilikuwa situmii Heat kabisa kama nilivyoshauriwa na Gurus.


Baadae nikagundua kuwa Nywele zangu zinapenda Heat so nikarudia utaratibu wangu wa kitambo wa ku-steam kama sehemu ya deep conditioning na baadae ku-blow dry.

Bidhaa mpya  ambazo natumia kila siku,  kila Wiki, kila mwezi, kila baada ya Wiki 6 na kila baada ya Miezi 3 ni Cantu Shea butter, Keracare, Olive oil,  Almond oil, Cream of Nature, Aphogee,Jamaican Costor oil,  HH essense, Dr Miracle oil Gro, Henna.


Natengeneza  na "Kutibu" Nywele zangu mwenyewe. Utaratibu wangu ni wa kawaida ni rahisi. Ni utaratibu niliokuwa nikiufanya pre-Children. Kilichobadilika ni umakini na  kuongeza bidhaa mpya (sikuwahi kuzitumia kabla)nilizozitaja.


Je ulipoteza Nywele baada ya kujifungua kutokana na Mabadilkko ya Homono? Ikiwa umefanikiwa kurudisha afya ya Nywele zako.... je ulichukua hatua gani?

Naheshimu na kuthamini muda wako hapa, ahsante kwa kuichagua blog hii.
Babai.

Thursday, 3 December 2015

Single Mum/Loner Parent, Mzazi Mmoja=no Help



Hi!


Sitojifanya mjuaji kwenye hili, tangu sijawahi kuwa "single mother" iwe kwa kutaka (wale wanaoamua kushika Mimba bila kuwa na hitaji la mwanaume husika) au kwa bahati mbaya, kwamba kutofautiana kwenu kumefanya mmoja wenu abaki na mtoto/Watoto(hapa siwazungumzii Wajane au wale waliobakwa, hii ni issue nyingine).






Ninaowagusia hapa ni wale ambao kuwa "single mother" ni Mtindo wa Maisha,Sifa, chanzo cha kuonekana Imara/Unaweza! Wengi hapa ni wale Wasichana waliokulia miaka ya 90s na wale wa early 2000s. Ule msukumo wa kutaka kujitegemea ukikuwa na "impact" kubwa kwetu kiasi cha kuhisi hatuhitaji Wanaume ili kuwa na Familia.



Tuliamini kuwa tunaweza kufanya yetu kama Wanawake na tunaweza kufanya ya Wanaume pia, "ikiwa mwanaume anaweza hata mimi naweza" sort of Imani....hakika hakuna afanyacho Mwanaume ambachoo sisi hatuwezi kufanya, lakini kuna mambo ambayo hatuwezi kuyafanya kama Wanawake kwenye malezi ya Mtoto au watoto(hasa wa Kiume).


Nakumbuka mimi mwenyewe niliwahi kusema kwenye Moja ya Forums kuwa, sitaki Mume na ikifikia mahali nahisi kutaka Familia basi "nitabaka" Mwanaume aka kujilengesha ili nishike Mimba, na nikifanikiwa basi sitomwambia huyo jamaa na hivyo kunirahisishia mimi kumlea "mwanangu" bila Baba yake. Nilikuwa young and stupid early 20s girl, sikufikiria hisia za Mtoto na kiukweli sikuwa nawaza kuwa siku moja nitakuwa mama so ilikuwa "chat" tu....lakini kwa wakati ule nilimaanisha.




Ni vema tutambue kuwa, Mungu ametubariki(sileti ulokole hapa usikimbie hihihihi) kwa namna tofauti, Mwanamke kabarikiwa kivingine na Mwanaume kabarikiwa kivingine (hatufanani) lakini sote tupo sawa in a different way na tunahitajika sawa sawa kwenye Maisha ya Mtoto/Watoto. Usawa huo hauna maana mmoja wetu anaweza kuufanya kwa kuchukua nafasi ya mwenzie.




Mfumuko huo wa "loner parents", wengi wakiwa Wanawake....umeondoa thamani ya Maisha ya Familia, kwamba watu hawajali kuwa Familia na badala yake wanajali zaidi kuonekana kuwa wao ni "single parents" na wanataka kutambulika na kusifiwa kuwa ni "Imara na Jasiri" kwa kuchukua Jukumu la Baba wa mtoto. Fuatilia "Fathers Day" uone wamama wanavyoingilia hii siku kwa kutaka "kutambuliwa" kwa kuchukua/fanya majukumu ya Baba. Huwa najiuliza, Majukumu ya Baba ni yapi hasa?





Jukumu la Baba ni yeye kuwepo kwenye Maisha ya mtoto/Watoto, kutumia muda wake na wanae/mwanae, kumfunza kama Baba(kumbuka Mungu ametupa Baraka tofauti kijinsia, hatufanani kiakili so mafunzo yetu kwa watoto ni tofauti pia). Sasa kama Baba hayupo kwenye Maisha ya Mtoto kwasababu zozote zile, bado hufanyi Jukumu la Baba wa Mtoto/watoto husika.





Natambua kuwa Mzazi ni kazi ngumu, haijalishi kama wewe ni "Single Parent" au "Couple Parents". sasa ni wapi hasa unapaswa kujiita "single Parent"? well Kama unafanya kila kitu mwenyewe bila Pesa za Matunzo ya Mtoto kutoka kwa baba yake, Msaada kwa ndugu, jamaa, marafiki, Walimu n.k. kwenye kumfunza na kumuangalia mwanao wakati upo kazini....basi wewe ni SINGLE/LONER Parent(Mother/Father).



Vinginevyo, wewe ni Mama wa Mtoto/Watoto ulionao.....Kuwa single sio Ushujaa, kuwa Single sio sifa. Hakikisha unapata msaada kutoka kwa watu wengine unaowaamini, hata kama kati ya watu hao Baba mtoto/watoto hausiki. Inasikitisha sana kwa Watoto wetu kukua wakiona Mama anafanya kila kitu, hii inawaharibu na huenda ikawapa shida huko mbele kwenye maisha yao ya Kisosho na pengine wakati wa ku-date nakadhalika.




Natambua kuwa kuna Vijana wengi sana ambao walilelewa na Mama tu, lakini kwa wakati ule bado kulikuwa na "father figure"....Wajomba, Baba wadogo/wakubwa(waume wa...) , Babu na hata pengine Kaka kutoka kwa Mama wakubwa n.k. Ila, kutokana na maisha ya leo(sio kwa Ughaibuni tu) wengi tunaishi mbali na watu hao(niliotaja hapo juu) kwa sababu ya kazi au Masomo, hivyo watoto (hasa wa jinsia tofauti na Mzazi anaewalea) hukosa kujua upande wa Pili wa Mzazi wake au hata "wasaidizi" ambao ni watu wa karibu (sio wale unaoajiri).



Kuwa Mzazi sio ushujaa, ni Jukumu lako kwasababu ni wewe ndio uliamua kuleta Maisha ya watu wengien Duniani, sasa kama umeamua kwenda mwenyewe au imetokea kwa bahati mbaya mwenzio kakimbia majukumu yake, hupaswi kujiona Shujaa au kudai Sifa za upande wa pili(wa mzazi) kwa sababu unadhani kufanya majukumu yako kwa mwanao/wanao ni kufanya yako na ya baba yake. Kila mtu ana nafasi yake kwenye maisha ya Mtoto/watoto.




Kuna ule Usemi wangu maarufu (in my head) kuwa una Mume lakini bado ni Single mother.....kwamba unafanya kila kitu na Mumeo amekaa tu au anakuwa "mwanao", unamfanyia kila kitu mpaka kumfunza manners!....Kujitegemea kunapitiliza unaishia kuwa "single parent" japo una Mume/Baba wa watoto wao. Sijui umenielewa.....(mwenyewe sielewi)!


Nili-protect maandishi yangu, mesahau neno la siri ili ku-unprotect na sikuwa na muda wa kuandika upya, so yeah....Sorry!
Nashukuru na kuthamini muda wako hapa, ahsante kwa kuichagua blog hii.

Babai.

Tuesday, 1 December 2015

Kukosoa na Kumcheka mtu ni "interest" yako?

Nakuona!

Wengi huamini kuwa ukiwa na tabia ya kukosoa au kucheka watu wengine basi wewe utakuwa na Matatizo kwenye Maisha yako, maisha yakoo hayana furaha na yamejawa na Huzuni na hivyo kukosoa na kucheka watu ndio njia pekee ya kujipatia "furaha".



Nakubali kwa kiasi fulani, kwa baadhi kuwa Hasi kwenye kila kitu  ni tatizo na linaathiri maisha yao ya kila siku. wengine huamua kuwa Hasi kama sehemu ya kupata "attetion" au "Trafic" na "Views" popote walipo kwenye Sosho Midia.




Kwa wale wa Ughaibuni, Maisha mitaa hii yanaweza kuwa ya Upweke sana na hivyo kumfanya mtu kutumia muda wake mwingi kwenye kutafuta "furaha" kwa kuwa Negative towards watu wengine. Upweke wa huku unatokana na utofauti wa Kitamaduni, Utaratibu wa kazi za "shift",  Majira ya Mwaka(Kiza kuingia mapema) vilevile kutumia muda mwingi kusafiri to na from work....by the time unafika nyumbani upo hoi, tayari ni Giza hivyo  hakuna muda wa kutoka au kukaribisha watu kwako as kesho unatakiwa Kazini.




Nilipokuwa Teen nilijulikana kwa baadhi ya wanafunzi wenzangu kuwa "Dinah siku zote huwa na sababu ya kukosoa", nilikuwa na tabia ya kuchea watu, haijalishi  mtu kafanya nini jema lazma nitapata/ona Kasoro na kukosoa....by doing that wenzangu walikuwa wanacheka balaa!



Sasa, Darasa letu lilikuwa juu (Ghorofani) na hivyo tulikuwa na tabia ya "kuwachora" Wanafunzi na Wageni waliokuwa wanakatiza maeneo ya Nje ya Gate ay ndani ya Gate. Wakati mwingine nilikuwa busy na mambo mengine, lakini bado wataniita ili nione kasoro ya watu au mtu na hivyo wao kupata Burudani.



Ilifikia mahali nikachukulia kuwa kucheka watu ni "interest" yangu, kiukweli napenda kucheka na huwa najicheka mwenyewe.....lakini kucheka watu haikuwa sahihi. Mwaka 2010 ndio nikaamua kubadilika. Ni baada ya kushika Mimba.....Mimba ikanibadilisha. Nikatambua kuwa unapokosoa mtu ama watu kama sehemu ya "burudani" ni wazi kuwa unatatizo, sikuwa na sababu ya kukosoa na kucheka watu.



Unapomkosoa mtu kila siku hata kwa yale mema au yale yasiyohitaji "maoni" yako huko kunakuwa sio kukosoa tena bali ni kumchukia mtu huyo. Kwanini umchukie mwenzio/wenzio? wamekukosea nini? Pamoja na tabia hiyo  ya ajabu bado sikuwahi kucheka Walemavu, Wenye matatizo au Masikini zaidi yangu.




Era ya Sosho Media imewarahisishia wale watu ambao wapo kama nilivyokuwa mimi huko nyuma. Tofauti ni kuwa mimi nilikuwa nafanya hivyo bila kuwagusa wahusika moja kwa moja. So walikuwa hawajui nawakosoa kuhusu nini. Siku hizi mtu anakufuata live kwenye "profile" na kuanza kukukosoa.....anakuwa na utaratibu huo kila siku.



Mwaka 2013 niliugua PD(stori yake itakuja siku ingine)....baada ya kupona nikajifunza kuwa "Chanya" kwa Msaada wa Daktari. Hapa ndio nilipojifunza kuwa mambo mengi yanatokea kwenye Maisha ya mtu, huwa kuna sababu. Mpaka uijue sababu ya yeye kufanya alicho/anachokifanya ndio umkosoe. Kama hujui basi muache kama alivyo.




Kukosoa ni tofauti na Kujaji......bado najaji (siwezi kujizuia), pamoja na kuwa nitakujaji  bado sitokucheka. Heeey, ahsante kwa kuichagua Blog hii. Tambua nathamini na kuheshimu muda wako hapa.


Babai.

Saturday, 28 November 2015

Mzunguuko wa Ngono kwa Mwanamke...

Jambo!

Kama unakumbuka niliahidi kuwa nikipata muda nitaandika kuhusu Mzunguuko wa Hedhi ambao unaendana na Mzunguuko wa Kufanya Ngono/Mapenzi kwa Mwanamke. Nilielezea kuwa Mwanamke sio kama Mwanaume, kwamba tunakabiliana na mambo mengi ukiachilia mbali Homono(Pengine ni Homono tu).




Kuna siku Mwanamke analianzisha, inaweza kuwa mara moja au tatu kwa mwezi. Pia kuna siku mwanamke anataka kuwa Juu sio kwasababu wewe Mkibaba unataka bali mwili wake unamtuma kutaka kuwa in-control na hii inaweza kutokea mara kadhaa ndani ya mwezi lakini sio kila siku. Hali kadhalika zipo siku(ambazo ni nyingi) mwanamke anataka kuhisi kupendwa  na kujaaliwa kwa vitendo(kitandani)......vinginevyo Tendo halitokuwa na maana na halitokuwa la kufurahia.




Wale Wanawake na Wanaume mabingwa wa kuwalaumu wanawake kuwa ndio sababu ya Waume zao kutereza nje ni ama hawaujui Mwili wa Mwanamke, kwamba mwanaume ataka na kutegemea Mwanamke awe in control kila siku......au kungojea Mwanamke alianzishe ili afurahi au ajihisi Mfalme.



Tusipoteze  muda sana....twende kwenye Mzunguuko (Siku 28 ndio nina uzoefu nao).


Wiki ya Kwanza(Siku ya  1-7):  Siku unayoanza Hedhi/ona damu ndio Siku ya kwanza ya Hedhi na ndio unaanza Wiki yako pia. Haijalishi imeanza saa ngapi. Unakuwa umechangamka na utahisi Akili yako imetulia na kufanya kazi vema. Unapata "ari" ya kufanya mambo tofauti au mengi-mengi.Unakuwa kind too active.

Wiki hii ni nzuri ikiwa unaenda kwa siku 2-3. Wiki hii utahisi kutaka kufanyanyiwa Mapenzi zaidi ya wewe kuwa "mtendaji".




Wiki ya Pili(Siku ya 8-14): Wiki ya Kujiamini na kuhisi kutaka, unakuwa Muongeaji kuliko siku nyingine, unahisi kumpenda mwenza wako(au kutamani kupenda kama huna), unahisi kuwa na Nguvu nyingi na hujui hata uzitumie vipi!!



Hamu ya kutaka kufanya mapenzi huongezeka, unataka kuwa kwenye Control. Wiki hii Mwili wako "huchemka".....Vijana mnasema kuwa "hot", Ute wako unakuwa laini na uke "kulowa" kama vile upo tayari kwa Tendo. Wiki hii ndio Mwanamke unajiweka mwenyewe Juu, unakuwa mtendaji Mkuu na pengine kutotosheka na Tendo.Wiki hii pia ni Hatari ikiwa huna mapango wa kuwa Mama, hivyo kumbuka kutumia Kinga.




Wiki ya Tatu(Siku ya 15-22): Shughuli ya Uanamke ndio huonekana hapa, unakuwa na ama Huzuni au Hasira, msahaulifu, kila kitu unaona kero tu. Wiki hii hakuna Hamu ya kufanya mapenzi wala kufanyiwa Mapenzi. Mwenza wako asipokuchokoza na kwa kujituma kweli kweli kwenye "maandalizi" tendo linaweza likawa la maumivu/karaha. Pamoja na yote hayo bado Wikii nii salama, kwamba kama umehesabu vizuri basi huwezi kushika Mimba.




Wiki ya Nne(Siku ya 23-28); Siku Sita kabla ya kuingia Siku ya 28(siku yako ya Hedhi), utaanza Wiki hii kama ulivyokuwa Wiki ya Tatu, tofauti ni kuwa Wiki hii utakuwa na Nyege(hamu ya kutaka kufanya mapenzi) nyingi. Utakuwa Mkali na mwenye Kisilani labda.....lakini ukiguswa Kiuno tu tayari "umelegea".



Ikiwa Mumeo anajua Mzunguuko wako hapa ndio huwa anakutegea.....unamjibu kwa kiburi, yeye anakuja kukushika kwa nguvu na Kukubusu, halafu unakosa la kusema unaishia kupeleka Mkono kwenye nanilihu....hihihihi. Wiki hii ndio ile "sex when angry" huwa tamu. Umewahi kumtaka Mumeo aende kwa Kasi na Kwa nguvu? yeeah, basi lazma utakuwa unakaribia Hedhi aka upo Wiki ya Nne.



Hata hivyo, "hasira" nilizogusia hapa ni zele zetu wanawake kutokana na Homono, sio zile kuu na chafu. Hey Post imekuwa ndefu, wacha niishie hapa.


Naheshimu na kuthamini Muda wako hapa, ahsante kwa kuichagua Blog hii.

Babai.

Tuesday, 24 November 2015

Kulazimisha Mtoto awe na Mawazo....


Pengine ni ngumu kujua tofauti ya ku-share information kwa nia ya kuwafanya watambue "Asili" yao, wajifunze kuhusu Upande wa pili(kwa wale waishio Ughaibuni) na kuwapa watoto mawazo.




Natambua kuwa kila Mzazi ana namna yake ya kulea na kufunza wanae, na kamwe sitokufundisha namna ya kulea wanao tangu mie mwenyewe  najifunza kila siku. Lakini tukumbuke kuwa kuna "Common Sense".....huitaji Elimu wala Uzoefu kuitumia.



Unakumbuka ulipokuwa Mdogo na Mama au Baba au mtu yeyote wa karibu anaanza Hadithi za "Kaka/Dada" yako aliezaliwa na kufariki.....kisha ukaanza kuwaza ingekuwaje hivi sasa kama angekuwepo? Unawaza huko aliko je anafuraha, ana-toys,? unakuwa na Maswali kibao ambayo hayana Majibu. Mtoto anakosa usingizi kwa Mawazo au Uoga na akilala anamuota "dada/kaka". Wazazi hapa hudhani/amini kuwa Mtoto ana connection na "mwenzie"....lakini ukweli ni kuwa anasumbuka Kiakili na Kihisia.





Pia umewahi kutambulishwa kwa Ndugu yako ambae Baba/Mama alizaa wakati wa "ujana" na sasa anaishi na Mzazi mwingine ambae sio Baba/Mama yako. Unaanza kuwaza na ku-wish ama ungeishi kule au yeye angekuja kuishi hapo kwenu. Unatamani kuwa Wazazi wenu wangekuwa wamoja(baba na mama mmoja). Kwa Mzazi mmoja ambae ni Mzazi wa Mtoto wa Upande wa pili huona ni Jambo jema kwamba Mtoto huyu ana-value undugu wake na mtoto yule wa kabla ya Ndoa......Ukweli ni kuwa unateseka Kiakili na kihisia kuhusu Jambo hilo.




Halafu unakumbuka ile hofu uliyokuwa nayo pale Mzazi wako anapokuambia hana Pesa na XMas imekaribia, sio tu mtakula Ugali badala ya Pilau pia hakuna Sare  Mpya za Shule, Madaftari wala Kalamu....yaani unaenda shule na Sare zako zilizochakaa. Unapata Donge rohoni(unaijua ile hali ya kutaka kulia lakini huwezi kulia, huwa kuna maumivu  si maumivu fulani sehemu ya Koo hihihihihi)....Roho inakuuma na unakosa Amani kabisa kila Baba/Mama anaporudi Mikono Mitupu na ni tarehe 22 Dec!!....kwa Mfano.




Mzazi hapaswi kumuambia Mtoto kuwa hana Pesa, hilo ni jukumu lako kwasababu wewe ndio ulieamua "kumleta" ama kwa Uzembe au kwa Kupanga. Kwanini huamishie "Hatia" zako kwa mtoto na hivyo kumpa mawazo? Kama mzazi tafuta namna kwa uwezo wako wote  na kuhakikisha unatimiza mahitaji ya Mtoto. Mtoto haitaji kujua kama una Pesa ama huna au unazipataje.



Kuna wakati unakuta Mtoto anakuwa Mkimya sana(anakuwa na mawazo au depressed), lakini kutokana Umri wake unadhani kuwa hana Mawazo na hivyo ameamua tu kutulia leo(ameamua kuwa  mtoto Mzuri). Ukweli ni kuwa Mtoto anaanza kuwaza akiwa na Umri Mdogo sana kuliko tunavyofikiria.




Wazazi ndio chanzo cha Mengi Mabaya au Mazuri linapokuja suala la Ukuaji wa mtoto Kiafya, Kiakili, Kisaikolojia n.k. hivyo ni muhimu kutafakari na kujua Mipaka ya Info gani zinapaswa kuwa shared kwa umri husika.




Mtoto anapozaliwa huwa Mtupu akilini. Kila siku hujitahidi kujaribu na kufanya mengi, Mtoto huyu haitaji kuwa "feeded" masuala mengine ambayo hayamhusu kwa Umri alio nao! Muache mtoto awe mtoto.....muache awe huru. Mtoto anakabiliana na mengi katika kujifunza na hivyo haifai kuanza "kupandikiza" hatia zako za Mtoto uliemuacha kwa Baba/Mama yake, kwa mtoto huyu kwa kisingizio cha "nataka ajue kuwa ana Kaka/Dada" hai au katangulia.




Pia sio sahihi "kupandikiza" hatia za ukosaji wako wa pesa kwa mtoto kwa kisingizio cha "nataka ajue ugumu wa kutafuta" au "nataka ajifunze mapema kuhusu utafutaji wa Hela". Subiri mpaka afikishe Miaka 8, pale unapoanza kumshikisha Pocket money(pesa ya kutumia shule) tena unamfunza kutunza sio "kutafuta".



Wacha niishie hapa, Nathamini na Kuheshimu Muda wako hapa,  ahsante sana kwa kuichagua Blog hii.

Babai.

Thursday, 19 November 2015

Era ya Kulazimishana ku-react!


Heiyaaa!

Mtu una-react kutokana na Uzito au Wepesi wa Hisia  unazopata kutokana na Tukio au Jambo fulani. Kuguswa kwako kunaweza kutokana na Upendo au Chuki au Kutojali, Kutoona umuhimu wa jambo hilo lililotokea n.k.




Kama unakumbuka Rais aliyepita alikuwa mzuri sana/Maarufu kwenye kushiriki Masuala/Matukio ya Kijamii. Naamini kufanya kwake huko kulitokana zaidi na kuguswa kwake yeye kama Mwanadamu na sio kama Kiongozi wa Nchi. Kwamba anapojitokeza Mahali, haendi kuwakilisha Taifa basi yeye na pengine Familia yake. Reaction yake kwenye Misiba ilichukuliwa kivingine....achana na Siasa(Msimamo wangu kwa JK bado ni ule ule hihihihi), ni mfano wa karibu ili unielewe.




Sasa kwenye Era hii ya Sosho Media imekuwa ngumu na pengine haikubaliki kwa baadhi yetu kuweka wazi hisia zetu kwa kuhofia kuonekana "tuna roho mbaya", "hatujali", "tunachagua matukio yapi ya kusikitika/kufurahia", n.k.



Imefikia mahali wale "Magwiji" sijui "Wakongwe" (waliokuwemo kitambo kwenye Sosho Midia) kulazimishana ku-react na matokeo yake utakuta kila Blog/Site inazungumzia tukio lile lile kwa Siku kadhaa......kama ilivyo kwenye News Media. Sasa pengine Blog wanakimbiza "traffic" kwa sababu za kimapato zaidi na sio kwamba wanajali,umia au chukizwa  na tukio fulani lililotokea.




Platform kama Twita na Facebook zimekuwa zikitumika kulazimisha watu wa-react au ku-fit in na kuonekana(hata kama hawana hisia hizo) kuwa wameumia na wanajali kuhusu Tukio fulani linaloendelea kwa wakati huo.





Nitakupa Mfano mwingine. Linapotokea Shambulio au Maafa kwa Nchi kama India, Nigeria,Pakistan, Palestine, Ukrain, Russia na Israel huwa sipati hisia yeyote(nimechoka kusikitika na kukasirika), huwa si-react(nakuwa kawaida tu)....sasa silazimiki kuungana na wale walio-react kwa furaha au hasira au chuki na huruma......Hisia hailazimishwi, inajitokeza tu yenyewe.





Ikitokea umeguswa na tukio, usianze kuhamishia hasira zako kwa watu wengine na kuwalazimisha waungane na wewe au na ninyi ili "kuonyesha" kuguswa sawa wakati wanajua kabisa hawajakuswa kama ulivyoguswa wewe.





Imefikia mahali mtu unaamua ku-fit in ili uwe-protected na Magwiji uliowakuta kwenye hiyo Sosho Midia, kwamba ukienda tofauti na mtu na ukawa-attact maGwiji wanakuja kukusaidia. Umezoea ku-fit in mpaka unapoteza uwezo wa kujitetea. Ukiwa mtaani ana kwa ana na attacker au bully utafanya nini?





Labda tujaribu kuacha  Kacha ya kutaka  # zetu ku-trend kwenye Sosho Midia na hivyo ku-bully wenzetu ili wa-fit in na vile tunavyohisi sisi. Kila mtu ana haki ya kuweka/kutokuweka Hisia zake wazi, japo ni muhimu kuzingatia Sheria za unapoishi ikiwa unataka ku-share Hisia zako ambazoo ni Hasi. Tukubali kutofautiana iwe Kijinsia, Kiuchumi, Kihisia na mengineyo.



Naheshimu na kuthamini Muda wako hapa, ahsante kwa kuichagua Blog hii.

Babai.

Tuesday, 17 November 2015

Wasichana tuliokulia miaka ya 90...


....ndio tulipokea kwa nguvu zote suala la Haki za Mwanamke au Usawa aka U-Beijin. Waliopigana vita ni Mama zetu ambao hawakutaka sisi tuonewe kama ambavyo wao walionewa. Baadhi ya Mama zetu hao walikuwa na Hasira na Wanaume kutokana na "treatment" walizopatiwa na Wanaume kama Wenza wako, Wafanya kazi wenzao, Wakubwa wao kwenye Familia na Maboss wao.




Ujumbe na maana na nia ya "Ubeijing" ilikuwa nzuri na bado ni nzuri, lakini kwa baahati mbaya kwa baadhi ya akina Mama zetu hao waliziwakilisha kwetu, wasichana ambao tulizaliwa mwishoni mwa miaka ya 70s na 80s ambao ndio tumekulia era ya "Ubeijing" au niseme Miaka ya 90.




Heka heka za kupigania Haki/Usawa kwa wanawake imeanza  miaka ya 60s kwa nchi niliyopo na mafanikio makubwa yalikuwa ni kutambuliwa kwa "haki" ya mwanamke kufurahia tendo la kufanya Mapenzi, kwamba tendo hili sio kwa ajili ya kumfurahisha mwanaume. Baada ya hapo ikaja suala la kutumia Kinda Dhidi ya Mimba(Kidonge).




Mkutano wa Nne wa wanawake uliofanyika Ubeijing mie nilikuwa  ndio namalizia Shule ya Secondary. Nilikuwa najivunia sana ile Hotuba ya yule Mama wa Kitanzania (nimesahau jina lake na sina mpango wa kuGugo....soma Picha hihihihi) niliona kuwa ni Mwanamke Msomi(academically smart), Shupavu na Imara.




Sasa, sisi Wasichana wa Era hiyo ndio tulikuwa wa kwanza kuweka "Ubeijing" kwenye actions kwa nguvu zote.....tulikuwa kwenye "presha" bila kujijua, tulihakikisha tunabaki shule kwa muda mrefu (sio kukimbilia kuolewa) na kuipata hiyo Elimu kama Wanaume, Era hiyo wengi  wetu tulichukua Masomo ya  "Magumu" kama vile Sayansi(nili drop katikati though usicheke), tunafanya kazi za Ufundi,Uinjinia, Urubani,Ukandarasi n.k.




Wasichana wengi tulifaulu Mitihani, hatukuwa wa kati wala mwisho tena. Tuliongoza Darasa na Mikondo. Dhamira yetu ya kujitegemea na kuongoza na kuelimisha Jamii iliendelea kukua tulipopatiwa Mawaziri wa Kike na kuona Wakurugenzi(akina Ms Mhavile and co) wakifanya mambo.




Fast Foward:...kwa Wasichana wa leo(waliozaliwa 90s wamekulia 2000s) ambao wengi wanaumri kama ule wetu miaka  ya 90, ni teens au wapo early 20s.....hawa are so relaxed! Wanajua haki zao, wanajua wanapaswa kujitegemea na how.....yaani kila kitu kipo wazi kwao hivyo hawapigani ile sanaa kama sisi miaka ya 90s.




Ni kama vile wameona "Ubeijing" haujafanikiwa kama tulivyotegemea(well tangu 1965 bado Wanawake hatujafanikiwa...safari ni ndefu). Wengi wa Era hii(2000s) wapo tayari kufanya kazi nusu siku ili wapate muda wa kuwa  na Familia zao na kuachia Jukumu la Mume kubaki palepale. "Ubeijing" umefanya Baadhi ya Wanaume kuwa tegemezi na matokeo yake mwanamke anafanya Jukumu la Baba na Majukumu yake kama Mama. Wasichana wa 2000s wanachangamoto ya  kubadilisha hili.




Wasichana wa 2000s(wanaokulia Era hii) wameanikiwa(wekea wazi) kila kitu na wao wana-choose and pick, tofauti na sisi  ambao hatukupewa Option kwasababu tulikuwa hatujui lolote kuhusu nafasi ya Mwanamke kwenye jamii ambayo ni zaidi ya Kuzaa na Kulea watoto.




Natambua wanawake wengi walikuwa wakijituma na kuongeza Kipato kwenye familia kabla ya miaka ya 90(Ubeijing era) lakini bado hawakuwa na sauti au nguvu kwenye Vipato vyao, so ni kama walikuwa "watumwa" wa Wenza wao.


Naheshimu na kuthamini Muda wako hapa, Ahsante kwa kuichagua Blog hii.

Babai.

Wednesday, 11 November 2015

Mzazi kukupenda zaidi ya wenzio...


Habari ya sasa!

Kwa kawaida Mtoto wa Kwanza na yule wa Mwisho kwenye Familia nyingi hutokea kupendwa zaidi na wazazi au Mzazi......wakati mwingine wadogo/wakubwa zake. Sababu ya kuwa "favourite" angalau kwa muda hapa ipo wazi.



Mtoto wa kwanza ndio kifungua Familia na huwa peke yake kwa muda mrefu au ikitokea kuna mdogo wake kaja fasta basi ile "huruma" huwafanya Wazazi waongeze attention kwa yule wa kwanza. Mtoto wa mwisho ni mdogo kuliko wote hivyo Wazazi na dada/kaka huwa over protected.


Pamoja ya kupendelewa au kupendwa zaidi bado Wazazi wengi huwa hawaonyeshi hilo kwa uwazi ili kuepusha ugomvi au kuwafanya watoto wengine kujiona hawapendwi kwa kiwango sawa. Lakini mnapofikia umri mkubwa unaweza kuona kabisa kuwa Baba na Mama wanampendelea fulani zaidi na hivyo kuanza kujenga chuki au ushindani dhidi ya mwenzenu ambae mnahisi kuwa anapendelewa.



Hali hufikia pabaya, mpaka anaependelewa kuanza kujidai na kutumia kupendwa zaidi na Wazazi wake kama Silaha ya kuwaumiza wenzake hasa kwenye Masuala ya Mali ya Familia. Utakuta yeye ndio wa Kwanza kupewa Kiwanja/Nyumba, yeye ndio anaijua Bank Account ya Akiba ya Siri ya Wazazi wenu, Yeye ndio Mshikilia Hati za Assets zote Ghali za Familia n.k.



Wale ambao wanadhani hawapendwi sawa na mwenzao(mdogo/mkubwa) hujenga Genge dhidi yako bila wewe na Wazazi wako kujua. Unakuwa huna sauti kwenye maamuzi ya Kifamilia......kwamba mchango wako hautwi maanani(unadharauliwa).



Kama Wazazi  bado wapo Hai huwa ni rahisi kuendelea na "undugu" lakini mara tu baada ya Wazazi kutangulia basi wewe uliekuwa Favourite unakuwa umeenda na wazazi wako(ndani ya mioyo yao) japo bado una ishi.


Kwenye Familia yangu baadhi hudhani kuwa Mimi ni Favourite(sababu nilikuja Ulaya hihihihi) ukweli ni kuwa hakuna anaependelewa/aliependelewa, kama yupo basi haikuwekwa wazi na Wazazi wetu. Natambua kuwa Mimi nilikuwa Dad's Girl kwasababu ni Binti wa kwanza, sio mtoto wa kwanza.




Nilipata "presha" ya kujifunza mengi kuliko Kaka yangu ambae ndio mtoto wa kwanza. Pamoja na hilo bado sidhani kama Kaka yangu alikuwa "favourite" ya wazazi wetu kwasababu alikuwa wa kwanza kwenye kila Kitu, Kusoma Shule ya Private(miaka ya 90 kwenda Private ilikuwa Deal), kupata the best School Bag na Saa kutoka Ulaya na pia alikuwa wa kwanza Kupelewa Nje ya Nchi.




Nadhani Baba yangu alikuwa Feminist ( Ndio wanaume pia can be Feminist ujue) kimtindo....kwasababu alinisukuma kuchukua Sayansi(ambayo sikuichukua), Alinisukuma kwenye kujitegemea na msemo wake maarufu "ukimtegemea mwanaume utakuwa Mtumwa maisha yako yote", alinifunza Kunyoosha Nguo (am good at kunyoosha Suruali na Mashari) pia alinifunza Kupika Ugali(alitaka Mimi nimpikie Ugali) nikiwa as young as 8yr old.




Well, my point is mie sio Favourite Child, nadhani Wazazi(hasa baba) kama Baba wengine kwa watoto wao wa Kike, hakutaka nisumbuke ukubwani. Aliniandaa. Nampenda sana tu Baba yangu lakini sio Rafiki yangu, Rafiki yangu ni Mama yangu....haya yametoka wapi lakini sasa?




Nikija kwa Wanangu, Asali wa Moyo anasema nampendelea Binti zaidi kuliko Babuu(hii huwa inaniuma) kwasababu najua kuwa nawapenda wanangu the same but different. Nawapenda individually but mara nyingi namtetea Binti kwasababu ni Mdogo sio kwasababu ni my Fav.....Babuu ni Mbabe/Controling hihihihi typical Kaka mkubwa!


Naheshimu na kuthamini Muda wako hapa, ahsante kwa kuchagua Blog hii.

Friday, 6 November 2015

Bora alama ya Mstari kuliko F.....Miaka 20 Tangu Secondary


Mambo!

Ijumaa Mpya(ya Kwanza Mwezi huu) na Maalum kabisa kwani ni Wiki ya Kwanza tangu kuanza kwa Mitihani ya Kumaliza Kidato cha Nne Tanzania, na ndio Mwanzo wa Mwisho wa Series hii(inaonekana kupedwa/somwa zaidi), inapendeza!



Utakuwa unajua by now kuwa Mie na Hisabati sio marafiki, Biology niliipenda kwenye kuandika Essay kuhusu Maambukizo au Magonjwa(niliyajua haya kutokana na Somo la Sayansikimu kutoka Msingi), mengineyo nilikuwa sielewi(nilikuwa nasinzia). Mwalimu wetu wa Biology Kidato cha Tatu-Nne alikuwa a bit Boring au alikuwa  na Mapepo(hihihi).




Yule mama alipokuwa akiingia na kufungua Mdomo "Good afternoon" mie yuleeeee Uzaramoni.....yaani macho yanakuwa mazito halafu nalala ule usingizi Mzito m paka Udenda! Nikaona aah isiwe shida bana, nikawa siingii kwenye Kipindi chake unless kuna Essay hehehehe.




Sikufanya Mitihani Miwili  nayo Hisabati na Biology, kwasababu nilijua wazi sitofanikiwa kufanya vizuri na matokeo yake nikaamua ni Bora nipate alama ya Mstari(-) kuliko li-F. Wazazi wangu hawakulijua hili mpaka baada ya Kupata Majibu. Huu ulikuwa Uamuzi Mkubwa nilioufanya katika Maisha yangu nikiwa a Teenager!!



Baada ya Mitihani hiyo kupita, wanafunzi wenzangu walikuwa wakinionea huruma kuwa Mitihani Miwili ingenigharimu kwenye Points( to this day I don't know how they work out their points hihihi HISABATI).




Halafu nimeruka habari ya Mgomo wa Walimu Kidato cha Tatu, aah next week basi. Walimu pekee ambao hawakugoma  Shuleni kwetu walikuwa wa Kiswahili, English na Biology.


Naheshimu na kuthamini Muda wako hapa, ahsante kwa kuichagua Blog hii.

Babai.

Thursday, 5 November 2015

Kuzuia Mimba au Kupoteza Hamu?

Habari ya sasa!

Utasema hee Dinah mbona umeshupalia Topic hizi? Well....ninachoandika hakitobadilisha Maisha ya watu na kuwa Bora zaidi ya yalivyo sasa, lakini naweza kusaidia mtu mmoja kuelewa kwa kiasi kidogo....yule ambae ame-google "kupoteza hamu" kwa mwanamke si eti!




Kuna ulalamishi kuwa Dawa za kuzia Mimba(pamoja na matatizo mengine kwa baadhi) husababisha Mwanamke kupoteza hali ya kutaka/tamani Ngono. Hakuma chunguzi ambayo ina-support hili ila Wanawake wengi hulalamikia kuwa Hamu hupungua au hutoweka kabisa mara tu baada ya kuanza kutumia Njia za kuzuia mimba Zenye Homono(hata zisizo na Homono huingilia "hamu" ya mwanamke").

Do I look like I am busy?



Ukweli ni kwamba kama hali ya kutaka  Ngono ilikuwa juu au chini basi haitobadilika......isipokuwa utaratibu wa Mwili wako ndio utabadilika na hivyo wewe Mkimama kulazimika kuanza kujifunza upya(wengi huwa hawalijui hili) namna mwili wako unafanya kazi. Tena sio Dawa za kuzuia mimba tu ndio zinasababisha hili, bali pia kuwa Mama(Kuzaa kunabadilisha Mwili na Akili).




Unapoongeza Homono ambazo zinaenda kuingilia utaratibu wa Mayai yako ili usishike Mimba ni wazi ile siku ya Kipevuka hutojisikia Nyege sana kama ilivyokuwa awali kabla hujaanza kutumia Dawa za kuzuia Mimba. Nia na madhumuni ya Dawa  hizo ni kuzuia Uwezekano wako wa kushika Mimba.




Hivyo Yai linapokuwa "tayari" Dawa za kuzuia Mimba (aina ya Homono) ndio hufanya kazi ya ziada kuzuia na hivyo kukamata (shika/teketeza) zile "sex homono" ambazo hujitokeza kipindi hiki na hivyo kukufanya utake Ngono na kutoa Ute laini ili Mbegu zisafiri kwa "amani" na hivyo kushika Mimba.(Dhumuni la Ngono ni Mimba/Kuzaliana siunajua?)


Nimekuchanganya? Tuna Homono zaidi ya Moja lakini sasa kwa vile Mie sio Msayansi siwezi kuelezea Kisayansi na hivyo nimejaribu kuelezea kibinaadamu vile ninavyoelewa mimi ili nisikuache.



Nitajirudishiaje "Hamu" sasa?

Unahitaji uelewa na Ushirikiano wa Mumeo/Mpenzi wako(rejea topic Umuhimu wa Furaha ya Mke) pia tambua Mabadiliko na kurekebisha mambo kiakili(jifunze upya kona zako za Utamu/raha) na kimwili(kula kiafya, fanya mazoezi, jipende)....umewahi kujiremba (paka vipodozi) na ukafikia kwenye kupaka Lipstic/Lipgloss ukahisi hamu ya Kuneng'enuka(au ni mie tu? Najitamani hihihihihihi).





Anyway kabla hujakimbilia kukubali kuwa umepoteza Hamu, jaribu kubadilisha utaratibu wa maisha yako ya kila siku (kama nilivyogusia hapo juu) na kufanya jambo ambalo unaamini na kujua kuwa unalipenda na unalifurahia. Unapofurahia siku yako na kupata muda wako peke yako kama "mwanamke" hata kama ni Nusu hakika siku yako itakuwa Njema sana na akili yako itatulia na hivyo kupata muda wa kufikiria mambo ya kufanya na Mumeo kama wapenzi. Unapokuwa na huzuni au hasira/mawazo/hofu siku itakuwa mbaya na hakika hutotaka/tamani kufanya Mapenzi au kuwa karibu na Asali wa Moyo wako.




Kama siku imekuwa na Mishughuliko mingi  kama Mama basi jaribu kutulia na kufanya yanayohitajika kufanyika.....kamwe usijipe presha ya kuwahi kumaliza ili kupata muda wako na hivyo kumfurahisha Mumeo....kumbuka Wewe kwanza, watoto halafu ndio Baba yao. Usiwafuate wale Mume wangu kwanza, Kids halafu ndio wao...(hawajui Thamani yao).




Ukipata muda(watoto wakilala), jipatie Dakika chache za kucheza na mwili wako ili ujue wapi panafanya nini na wapi hapako kama enzi kabla hujazaa. Mfano mie.....mmh itakuwa Too much Info....achana na hili.




Ukishajijua inakuwa rahisi kumuongoza Mpenzio/Mumeo na hivyo yeye kuachana na ile Kanuni ya "paji, midomo...shingo....matiti...kiuno...nyuma yabmagoti...ingia kati".Baada ya Kuzaa mwili wa mwanamke hubadilika na kilichokuwa kinamhemesha enzi.....sasa kinaweza m-put off.



Na ninyi wanawake mnaoshupaa kuwasukumia Wanawake  wenzenu Mpira wa "Wanawake ni kosa letu"....."Wanawake tunajitakia wenyewe"...."Wanawake hatujitumi". Mnapaswa kujifunza namna mwili wa Mwanamke unafanya kazi na wakati unajifunza tambua kuwa Wanawake tunatofautiana na hivyo mabadiliko unayokabiliana nayo wewe mwingine hana. Tuanze kujiheshimu na kutumia Muda zaidi ili kujijua badala ya kulaumiana hasa linapokuja suala la Ngono na Mahusiano baada ya Kuzaa.




Mwanamke  haitaji Mwanaume kufika Kileleni(kama anaujua mwili wake), lakini ili afike Kileleni akiwa na Mwanaume.....atahitaji Mapenzi na ushirikiano  wa Mwanaume  kimwili na kiakili. The moment mwanamke ana mawazo(akili haijatulia) hakutakuwa na Kilele wala kutaka/kufurahia Tendo.



Naheshimu na kuthamini Muda wako hapa, Ahsante kwa kuichagua Blog hii.


Babai.

Tuesday, 3 November 2015

Umuhimu wa Furaha ya Mke....


....wengi huchukulia suala hili juu juu tu, labda hushindwa kuelewa kwasababu Jamii (ikiongozwa na wanawake wenyewe) huwa  hailizungumzii sana kama wazungumziavyo Furaha ya Mume. Furaha ni hitaji la wote lakini nadhani kwa mwanamke ni muhimu zaidi kwasababu bila furaha kwake ni wazi watoto  na baba mtu hatokuwa na furaha.




Pia furaha kwa mwanamke inahusika sana kwenye masuala ya kufanya mapenzi.....kama mwanamke hana furaha ni ama hakutakuwa na Tendo au Tendo halitokuwa la kufurahia na badala yake litakuwa ni la kumaliza haja tu kwa Mwanaume(maliza nilale arrg hihihihi).




Wanaume wachache ambao wameshuhudia baba zao wakihakikisha Mama zao wanafuraha mara zote iwezekenavyo, hujitahidi na kuwa hivyo au zaidi kwa wake zao. Hawa hujua namna ya kujali  na kuheshimu hisia za mwanamke.



Kwabahati mbaya sehemu kubwa ya Wanaume wamelelewa kwenye Mazingira ya kumuona Mama  ni mtu mmoja mvumilivu, mpole na muelevu.....wakati Baba Mkali na Bingwa wa kudharau. Kwamba Mama anapochoshwa na labda maudhi ya Baba na hivyo kuweka hisia zake wazi kwa "ukali".....baba hupata hasira kwanini "mwanamke" amwambie nini cha kufanya....yeye mwanaume na hivyo kuamua kukaa kimya(kumdharau Mkewe) ili yaishe.



Kwasababu najua akimjibu mkewe ni wazi Ugomvi utakuwa Mkubwa kwa maana Baba hato-back down na huenda akaishia Kumpiga Mama....ili kuepusha hilo Baba anajifanya anamsikiliza Mkewe(mama) lakini ukweli ni kuwa hakuna kinachoingia akilini na hakuna atakachofanyia kazi.



Sasa kwa Kijana aliekulia kwenye Mazingira kama hayo(kama nilivyogusia hapo juu) inakuwa ngumu kujua umuhimu wa furaha ya Mmwanamke kwenye Uhusiano wao. Furaha ya "mke" itakuwa na maana nyingine kabisa ambayo mimi na wewe(wanawake kama wanawake tunavyoifahamu).



Kwasisi Wanawake baadhi hukua kwenye Mzingira kama hayo pia lakini tofauti ni kuwa pembeni huwa tunafunzwa namna  Mwanamke anapaswa kuwa "treated" na namna gani Mwanaume anapaswa kuwa "treated". Wanaotoa mafunzo huwa ni Watu wazima ambao tayari wamepita kwenye maisha hayo na husisitiza kuwa Waume zao  hakuwa hivyo lakini hawakuwa  na jinsi kutokana na Jamii ilivyokuwa (kipindi hicho cha nyuma)alipaswa kuolewa kwa wakati ule ambapo aliolewa(hakuwa na option).




Sasa kutokana na kukosa Option, inakuwa kama vile wanajutia na hawataki sisi Wanawake wasasa(tunaofundwa) kuishi maisha walioishi wao.....kudharauliwa, kutosikilizwa, furaha zao kutotiliwa maanani n.k.



Je utamfurahishaje Mwanamke(Mke)?
Inategemea na Mwanamke husika lakini kuna yale ya Jumla ambayo kila mwanamke anahitaji ili kuwa na furaha na hivyo kuwa na Ndoa/Uhusiano mzuri:-


-Msikilize(najua tunaongea sana) lakini ni muhimu kuonyesha unamsikiliza na kumuelewa.

-Mshukuru(sio kwa kufanya Mapenzi) bali kwa lolote ambalo anakufanyia nje ya Kitanda, hata kama ni kidogo kama kukuletea Chai au kukutoa tongotongo.



-Muulize kabla ya kumkosoa(wewe sio Baba yake, hajifunzi kutoka kwako) hivyo ni vema kujua kwanini jambo limefanyika badala ya kukimbilia kumkosoa.



-Zika habari za Ex.....hakikisha huleti habari ambazo unajua zitasumbua akili yake(wale Funs wa kuzungumzia past lives zao kila Mgeni anapowatembelea au kila mnapokutana na watu wapya). Wote mna Past, kwanini udhani yako ni muhimu sana kujulikana kwa kila mtu?!!


-Hakikisha unajua tofauti kati ya Wajibu na Mapenzi, yupo na wewe kwasababu anakupenda......kukupenda sio Wajibu.

-Msaidie kwenye Malezi ya watoto(kama mmejaaliwa kuwa  nao), watoto wenu ni Wajibu wenu kama Baba na Mama, sio Wajibu wa Mama pekee.


-Mnunulie Zawadi once in a while hata kama ana kazi na mshahara Mkubwa kuliko wako.


Hey! Naheshimu na kuthamini Muda wako hapa, ahsante kwa kuichagua Blog hii.

Babai.

Friday, 30 October 2015

Kufutiwa Matokeo Kidato cha 2.....Miaka 20 Tangu Secondary!


Ni Ijumaa nyingine tena ambapo tunaendelea na "Series" yetu. Unakumbuka nilikuambia kuwa pale Shuleni kwangu kwa zamani kulikuwa na Watoto wa watu Wazito na wale wa Mabalozi wa Tz Nje(waliokuwa wanasubiri kupewa Ofisi).....Tulipokuwa Kidato cha Pili kikaja kimtoto kina miaka Nane kilikuwa kinatokea Nchi gani sijui huko. Kilikuwa kinashuka mahisabati kwa Kiingereza hicho hihihihihihi. Aliondoka baada ya Wiki 6. anyway.





Kusoma na watoto wa watu wazito ni raha, unapata kujua mambo mengi sana kuhusu maisha yao na(sio muhimu kivile lakini ndio hivyo), unakula maCandy na Majuisi ya Ulaya bana.....hasara yake inakuja kwenye Mitihani, sio siku ya Mitihani bali kwenye Matokeo.





Kama unakumbuka mwaka wetu(piga mahisabati mwenyewe) baada ya Matokeo kufutwa(sote tukafaulu) ndio Mtihani wa Taifa wa Kidato cha pili ukafutwa, sababu zilikuwa nyingi kwanini hakukuwa  na umuhimu wa Kukaa Mtihani wa Kidato cha Pili.




Nakumbuka siku tunaenda kuangalia Matokeo(ilikuwa siku ya shule) wanafunzi wengi hawakuona Majina yao pale kwenye Karatasi za Matokeo, watu wakaanza kulia eeh bana(nani anataka kurudia Kidato?)....hao kwa mwalimu Mkuu. Mwalimu akaanza kupiga simu huku na kule.





Baada ya siku tatu Majibu yakaja na wote ambao hawakuona majina yao kwenye Karatazi za Matokeo, wakawekwa kwenye karatasi mpya, lakini wote wakawa wamefeli! Vita si ikaanza bwana, wazazi wakaja juu hawakubali kuwa Watoto wao wamefeli. waliamini kuwa Wamefelishwa ili Watoto wa Wazito wafaulu.




Ile mbinu ya kawaida ya Walimu wa Shule ya Msingi kwamba  Mtoto wa Mwalimu akifeli  basi  Mtihani lazima urudiwe!  ilishindikana kwasababu Mtihani uliandaliwa Kitaifa. Wakaona isiwe tabu basi wote mmefaulu na hakutakuwa na Mtihani wa Kidato cha Pili....hihihihihi. Nadhani waliurudisha baada ya Mwaka au miaka miwili baadae.



Naheshimu na kuthamini Muda wako hapa, ahsante kwa kuichagua blog hii.

babai.

Thursday, 29 October 2015

Sababu Kuu ya Kumchukia Ex wake...


.....wengi hudhani kuwa ni Wivu au Hofu kwamba Mwanaume anaweza kurudi alikotoka au kukuacha kama alivyomuacha yule ila tofauti ni kuwa anakwenda kwa Ex wake sio Mwanamke mpya. Yote ni  sababu common lakini ile kuu ambayo wanawake wengi hutusumbua na hata kujenga dislike(nikisema hate inakuwa too strong) huenda ni hii hapa chini.




Umewahi kutaka kumjua kama Mpenzi wako ana type? na pengine kwenda ndani na kutaka kumuona Ex wa Mpenzi wako kabla yako na hata kutaka kukutana nae? sio ili muwe marafiki bali ni kutaka kuona kama alikuwa Hot au Not....(hihihihihihi).





Ikiwa Mpenzi wako ana type na aliempitia kabla yako alikuwa Hot basi unafurahi kuwa na wewe ni hot (pengine wala sio that hot) na kwabahati mbaya kama ex alikuwa Not basi hapo ndio hasira huja. Kila ukimfikiria/kumbuka yule Ex alivyo unamchukia vibaya sana hehehehehe huku unajisemea "am not that ugly" na kujiuliza "am I that ugly?". Yaani sio kwamba unachukia alivyo (kuwa ugly is okay but....) bali unachukia kwasababu unahisi au kudhani kuwa unafanana nae kwa namna moja au nyingine.





Kuna wadada hufurahia sana kuambiwa na wapenzi wako kuwa Umefanna sana  na Ex wangu(yep nawafahamu wengi tu) kwasababu tu Exs walikuwa Hot......inasikitisha lakini ndio ukweli kwa baadhi ya sisi Wanawake.




Wengine hudhani kuwa wanawake huwachukia Ex wa wapenzi wao kwasababu waliwatangulia na hivyo wao kula Makombo.....hii sababu ni invalid kwasababu Kimaumbile mwanaume haachiwi uchafu na kukaa nao kwa muda mrefu(unless alipata Gonjwa) pia Mwanaume  hazai na hivyo hata kama alizaa na Ex wake bado huyo mwanaume sio Makombo.




Ex wake kwa next mpenzi ndio atakuwa anakula  makombo hasa kama ex(mwanamke) huyo ameachana na mtu wake chini ya Miezi 3 au  alizaa nae, alipoingia akaacha Uchafu wake kisha ukatoka kama Mtoto na yeye ndio anaenda hapo hapo(rejea Topic ya Usiku Mmoja).....samahani hii haina Mfumo Dume hivyo usiingize U-Feminis hapat...... ni Fact of Life.



Naheshimu na kuthamini Muda wako hapa, ahsante kwa kuichagua Blog hii.

Babai.

Tuesday, 27 October 2015

Presha ya kuweka/toa info zako vs Ukarimu....


...enzi za DHB, Yahoo/MSN chatrooms (heeey Maajuza wenzangu hihihihi) ilikuwa ni kawaida kuulizawa upo wapi na unafanya nini au umefikaje huko uliko, wengine wanapitiliza mpaka kwenye unakuja lini Bongo n.k. Kwa baadhi yetu ilikuwa sio big deal kwasababu info hazikuwa muhimu kivile(kabla ya Google haijatufanya Kijiji) kuorodhesha Nasoma, mwaka wa pili  na huwa narudi Home kila Christmas.




Jisni siku zilivyozidi kwenda na Maendeleo kuongezeka  na watu wengi kuwa na wasaa wa kufikia Mitandao na hivyo kuweka mengi kuliko wanavyohitajika. Siku hizi imefikia mahali wewe mwenyewe kwa hiyari yako unahisi kusema/share kila kitu, ikitokea mtu kauliza basi unajimwaga kwa uhuru kabisa, which is okay maana info ni zako bwana. Tatizo  ni kwamba wengi mnatoa mengi kuliko mnavyohitajika na matokeo yake baada ya muda wale wale mliowaambia wanatumia hayo kukuumiza au kukudharau.





Hakika kila mtu ana haki ya kusema atakacho kuhusu maisha yake Halisi  au ya Kimtandaoni  ili tu awemo anapotaka kuwemo,,...hali ambayo inaweza kukupa Presha ku-keep up au ku-maintain Mtindo huo wa Maisha uliojitengenezea Online au ule ulioaminisha watu. Hali inayoweza kukusababishia dharau ikiwa  wale "uliowaaminisha" wakukute unaishi vinginevyo(wapate  kujua ukweli).





Pamoja na kuwa ni uamuzi wako na  ni haki yako kusema/share kila jambo lako, kumbuka kuwa sio lazima. hulazimiki by Law kufanya hivyo, kwahiyo zingatia nini hasa unataka kuweka wazi na nini kibaki kwa ajili ya watu wako wa Karibu na Marafiki(kama unao) waaminifu.




Kwasababu tu wengi ulionao kwenye maisha yako ya Mtandaoni(kwenye Sosho Midia) hasa maCeleb wanaweka kila kitu(wapo kazini na wanalipwa kufanya wafanyavyo) haina maana na wewe pia ufanye hivyo.




Ku-share kupita kiasi huenda mpaka nje ya Mitandao/Sosho Midia. Mfano baadhi yetu huwa na tabia ya Ukarimu eeh Watanzania sie ni ndugu. Jamaa kutoka Serikalini anakuja Ughaibuni kwa mfano, anataka kutunza Pesa alizopewa kwa ajili ya Hotel.....anatafuta connection ya mtu mwenye nyumba kubwa ampe Chumba ili a-save anunulie familia ya Mazawadi ya UK au akajenge huko Bongo baada ya Semina.





Unapomkaribisha mtu kwako(akae bure au achangie sehemu ya Bill) na kuishi nae kwa muda wa siku 3 au zaidi hakika atakuwa amekusanya Info za kutosha bila wewe kukusudia kuzitoa na matokeo yake anazitumia hizo kujumuisha Watanzania waishio Nje na hapo ndio Dharau inapoanza.




Kuanzia sasa Muache kukaribisha Wabongo kwa kisingizio cha Ukarimu/sisi Ndugu majumbani mwenu wanapokuja kwa ajili ya Semina, waacheni wakakae Hotelini huko. Hao mnaowafanyia Wema ndio hao hao wanaokwenda kuwaumiza na matokeo yake wote tunaonekana tunaishi maisha ya Kishenzi mnayoishi nyie......duh! hii sijui imetoka wapi.



Naheshimu na kuthamini Muda wako hapa, Ahsante kwa kuichagua Blog hii.

Friday, 23 October 2015

Scandals: Binti ajiua kisa B'friend+...Miaka 20 Tangu Secondary!

Hello tena, karibu  tuendelee na "series" sehemu ya maisha yangu ya Shule.


Baada ya Muda si watu wakaanza ku-date bana.....unasikia tu gossip kuwa fulani anatoka na fulani, tulipotoka wao walienda kujibanza kwenye ma-bin na kufanya yao. Unaangalia Darasani(wa Asubuhi na Mchana) huoni hata Kijana wa kutoka nae(hakuna anaekuvutia(well mie nilikuwa mdogo Sec, 1st Bf alikuja nilipomaliza Kidatoo cha Nne huko mbele....Team Wasiona haraka. Achana na hili!

Kanisa la Mtakatifu Joseph




Wanafunzi wa nyuma yangu walikuwa Mapepe sana, na wengi walitokea palepale (Forodhani Msingi) hivyo walikuwa na Mahusiano na Wakaka wa Vidato vya juu  na mmoja wao aliekuwa akipiganisha Wadada wa kila Shule pale Mjini. Aliitwa JJ (sitasema alipokuwa akiishi wala alivyofanana)....alikuwa Mbele yangu Kidato. Huyu jamaa alikuwa napiganisha sana Mabinti wa Msingi na Wale wa Secondari(si unajua kuwa Foronda kuna Msingi na Sekondari eeh). Mwaka wao hawa akina JJ kulikuwa na wakaka "fresh" kweli(Watanashati/Ma-handsome).






Basi siku tumeingia Getini tunasikia watu wanalia, kulikoni? kuna taarifa Binti wa Kidato cha Pili amefariki(amejiua) kwasababu Mpenzi wake kamkataa.....Mpenzi wake ni nani? JJ....aiii Mie kama mie nikamuona yule Binti Bwege kweli, huyo JJ mwenyewe sio m-hot kiviiile(enzi hizo hatukuwa tunatumia neno Hot hihihihi).





Polisi wakaja wakamkusanya JJ "for protection" na hatukumuona tena mpaka baada ya Wiki 2.....huku nyuma bwana kama kawaida watu tukaanza kuchangishwa Senti za Rambirambi na baadae kurudishwa Nyumbani....yeah Ulaya Mwanafuzi mwenzenu akifa mnapewa "Kanselazi" wawasaidie kupokea Msiba Kisaikolijia , sie tukarudishwa tu nyumbani na mimachozi na mawazo na uoga wetu dhidi ya "mtu kujiua".




Kesho yake, Shule ikaendelea kama kawaida halafu siku ya Kuzika ikafika....likaletwa Couch(yale ya Sarafi ndefu yale Mazuriiii, watu walikuwa na mbwembwe)  la kutupeleka Mazikoni tukiwa Ndani ya Sare za Shule kama kawaida(mie sikwenda though).




Msiba wa Binti huyo ulinisumbua sana akili kwasababu nilikuwa sielewi kwanini hasa mtu ajiue kwa sababu ya Mvulana! Mvulana anakupa nini mpaka ukimkosa unaamua kuishi basi eh? Anyway Mungu aendelee kumrehemu yule Binti(sijamtaja kwa sababu ya Kuheshimu Familia yake).




Scandals zilikuwanyingi sana pale Shuleni, Kuna Mwalimu na rafiki ya Baba yangu(Mungu akurehemu Dingi) aah Mwalimu Marehemu "D"mkali wa Hisabati(halafu sijui Hesabu wala nini), maskini alifariki siku chache kabla ya kufunga Ndoa na Mwalimu mwenzie(mkimama wa Kihaya alikuwa muzuriiiii na anamadoido utafikiri hachutami kukamua Kimba) ambe ilisemekana alikuwa na "gundu".....kila anaemchumbia hufa siku chache kabla ya Ndoa.




Scandal nyingine ilikuwa ya Binti Mmoja wa Kizungu(alizushiwa kafa kwa Ngoma)....alikuwa Mwaka wa akina JJ....alikuwa Kiwembe huyo hihihihi....huyu alitoweka ghafla tu.



Kuna Scandal ya Jamaa moja hivi ambalo lilikuwa linachukia Wanawake lakini wanawake walimpenda so alikuwa akiwakubali na akienda nao huko anakowapeleka anawafanyia "dharau" ili wasimsumbue tena.....hihihihihi ningekutajia ila wacha nmstahi tu(atakuwa kazeeka sana sasa maana alikuwa wale repeat-ers).....unapiga Darasa la Saba mara zote mpaka Ufaulu.



Pia kuna yule Binti wa Kizungu alikuwa Kiwembeee, akazushiwa kuwa na HIV,,,,,,akatoweka ghafla. Miaka 3 baadae watu wakasema amefariki.


Kulikuwa na Watoto wa Pembeni(nje) wa wakubwa wa Inji yenu pale shuleni kwetu, kuna Mdada alikuwa Bingwa wa kupata Mitihani kabla haijafanywa hehehehe, kila Mtihani yeye anatuacha Mita 200....halafu alikuwa Mnoko na Msongo(hacheki ovyo-ovyo) balaa huyo Mdada.





Mwaka 2005 (sikumbuki vema) nikakutana nae ndani ya Ndege ya Ethipia....nkamsemesha, akajifanya hanijui hihihihi. Nkamwambia well tulisoma wote....so unafanya nini UK? akasema anasoma....Nkaongeza wee baba yakoWaziri sasa kwanini unapanda Ndege ya walala hoi? akasema ndio flight pekee iliyopatikana haraka.....kumbe mie sikujua Baba'ke alikuwa na Scandal ya Ufisadi sijui nini na nini na yeye alikuwa anarudi kimya-kimya ili kuua "uzushi".....hihihihi. Oh yeye alikuwa Mtoto wa Mkufunzi sio wa pembeni enzi hizo tupo Shule.....nimechomekea hadithi(mambo ya Live Tv haya nayo hehehehe).





Enhee yule Mwalimu wetu yule Mkali wa Physics(nimemsahau, nili-drop PCB nkaenda Biashara), alikuwa fashionable sana pia ufundishaji wake ni wake- naughty-naughty hivi hihihihi alikuwa anatengeneza Pesa nzuri, maana alifundisha Madarasa ya Ziada Mapaka Usiku....huyu nae alikuwa kiWembe mpaka Mkewe (mwalimu pia) akahamia Forodhani kulinda mali zake.





Talking about kuchukua Biashara, kulikuwa na Limjamaa (Mwalimu wa Bookkeeping) abuser kweli....Wanafunzi wa mbele yetu walikuwa wanasema kwamba Jamaa akikutaka na ukamkataa basi atakuwa anakuchapa Daily bila sababu.....by the time nafika Kidato cha Tatu Maombi yangu kwa Mungu baba yalikuwa Mwalimu huyo sijenitaka mimi. Kwa bahati nzuri au mbaya kukawa na Mgomo wa Walimu wa Secondari na yeye akaacha kufundisha akaenda Kutangaza Radio(ile ya Kanisani palepale Forodhani).



Hizi ndio Scandals nilizozikumbuka siku hii ya leo. Naheshimu na kuthamini Muda wako hapa.ahsante kwa kuichagua Blog hii.

Babai.

Wednesday, 21 October 2015

Kijinyama/Ngozi kutoka K-ini...


...pengine hujawahi kuambiwa kuhusu hili la "kijinyama", "Kijingozi" lakini lipo na huwatokea wanawake wengi tu, tatizo ni kuwa wengi hawapendi kulizungumzia.....Uanake ni zaidi ya Makeup, Matiti na Kuvaa Magauni na Blauzi.




Umewahi kujiswafi na ukakutana na kitu cha ajabu ukaanza kuogopa n a kudhani Kizazi kimetoka(hahahaha) au Mimba imeharibika bilakujua kama ulikuwa  nayo au ukadhani Umelogwa ili upate Hedhi ya Manyama badala ya Damu?




Mara nyingi hii hutokea mara tu baada ya Kumaliza Hedhi na kufanya Mapenzi, au pengine umefanya Mapenzi na Mwenza akaenda "mbali" na baada ya kumaliza ukaona Damu na baada ya kujiswafi ukatoa "kijinyama" ambacho hakiterezi kama Ute Mzito au Damu nzito......usiogope hasa kama Umeruka Hedhi.


Mfumo wa Uzazi wa Mwanamke



Ukuta wa Mji wa Uzazi(Uterus/Womb) hujijenga kila baada ya siku 23 na baada ya hapo  hung'oka na kuteremka sambamba na Damu pale unapokuwa Hedhini....sasa ikiwa umepitiliza au kuruka Hedhi moja au mbili, Ukuta ule ambao  ni ngozi/kijinyama huwa mnene zaidi na hivyo kugoma/kwamba wakati una-Hedhi-ka kile kijingozi hakiteremki  moja kwa moja Ukeni(Vagina) na matokeo yake hubaki ndani  pale pembeni mwa  Mlango wa Uzazi (Cervix).





Wakati mwingine huwa imeng'ang'ania na hivyo baada ya Uume kuingia na kufanya Uume ufanyavyo  "best" kile kijinyama hujiachia  na hivyo kuwa tayari kutoka kwa msaada wa kidole chako na Maji. Kama huna utaratibu wa Kujiswafi Ukeni ni wazi kuwa kitakaa huko na baadae kusababisha maambukizo au kutoa "ute" wa rangi ya ajabu (kahawia) na harufu mbaya.




Huenda hujawahi kutwa na hili hasa kama Mzunguuko wako sio wa Kuruka(unaenda Kila Mwezi) na haujawahi Kuzaa na Kunyonyesha.  Kama nilivyogusia hapo juu, kuwa kila baada ya Hedhi Ukuta wa Mji wa Mimba hujijenga na hung'oka baada ya muda ikiwa hakuna Yai lililorutubishwa na "ukuta" huo kuteremka sambamba na Damu yako ya Hedhi(Mie sio Daktari usiniulize Maswali).



Sasa ukizaa na ukawa unanyonyesha mara nyingi unapoteza Hedhi(hupati Hedhi mpaka umalize Kunyonyesha sio!), mpaka Hedhi bin Homono vinakuja kutulia baada ya kunyonyesha  ni wazi kuwa utakuwa unaruka-ruka na hivyo "ukuta" wa Mji wa Uzazi wako kuwa Mnene na hivyo kutoka kama nilivyoelezea hapo awali.



Pamoja na kuwa nimekutoa hofu bado ni Muhimu kwako kwenda Kumuona Daktari wa Magonjwa ya Kike na umuelezee hali halisi, jitahidi kuweka kumbukumbu ya Tarehe na aina/ukubwa/udogo wa "kijinyama" hicho ili Daktari aweze kukuelewa zaidi nahivyo kufanyiwa Vipimo yakinifu kuangalia kama Mfumo wako wa Uzazi upo na afya njema.


Naheshimu na kuthamini muda wako hapa, ahsante kwa kuichagua Blog hii.

Babai.

Monday, 19 October 2015

Mke anafanyiwa mapenzi, sio the other way around!


Umewahi kusikia au kusoma mahali Wanaume wakisimulia namna wanavyowafanyia Wake zao na kuapia kuwa Mwanamke nahaitaji kufanyiwa mapenzi zaidi kuliko wao Wanaume, halafu uka-wish kimoyo-moyo Mumeo aje mahali hapo asome na ajifunze?!!




Kama ilivyokuwa Dinahicious Blog, kwamba kuna baadhi ya Wanaume walikuwa wakitaka Wake zao wasome Baadhi ya Makala zangu ili wajifunze. Nakumbuka wapo walioniandikia wakisema huwa wanaacha Blog wazi kwenye Simu/Laptops kwa Makusudi tu ili Mke/Mpenzi apitie.




Ni muhimu kumfanya Mumeo/Mpenzi wako ajihisi  kuwa ni Mfalme hapo nyumbani kwenu na unaweza kufanya ajisikie hivyo kwa namna nyingine  nyingi na sio kwenye Kufanya mapenzi kila anapokuhitaji/mnapohitajiana/unapomhitaji(siku hazifanani si unajua Homono nini  na nini).....Mwanamke huwezi kufanya yote, mengine mwachie na yeye!




Imekuwa ni kawaida kwetu sisi wakimama kutafuta Mbinu za kumfurahisha Mwanaume Kingono zaidi kuliko wao.....wao wakibaba ni kama vile wametulia tu yaani wanasubiri kupakuliwa(sio wote). Mbaya zaidi kuna hata maneno kwenye Nyimbo zilizoimbwa na Wanawake zinakubaliana na kusisitiza kuwa Mwanamke "mambo" au "kujituma" au "kujua wajibu wako" Kitandani.




Lakini kihalisia Mwanaume ndio anapaswa kumfanyia  Mapenzi Mkewe/Mwanamke wake, sio tu kwasababu  "kuneng'enuka" kwetu kunahitaji akili kutulia (hatuna mawazo wala hofu) bali pia mwanamke anahitaji kuhisi kuwa anapendwa na kutakwa na wewe(mwanaume) ili afurahie Safari ya Kuneng'enuka.




Kwenu ninyi wanaume Ngono ni Ngono tu, unachohitaji ni mtu kukubali kufanya.....mfano Mwaname akisema "nataka unifanye" unakuwa tayari....au unaeza kuona upindo wa Chupi ukawa umefika(hihihihihi). Wanawake pia huwa tayari ila sio kila siku(inategemea na Mahesabu ya Mzunguuko).




Kuna siku za Mzunguuko unahitaji kupendwa zaidi ya siku nyingine, kuna siku unahitaji kuguswa Bega au kiuno na ukawa "tayari", siku nyingine unahitaji kupendwa na kufanya Malkia kwa Dakika 45(duh hizi nyingi.....tufanye Dakika 20 hivi).



Siku nikipata Muda(nikikumbuka that is) nitakuletea "hisia" za Mwanamke kulingana na Mzunguuko wake wa Hedhi (siku 28 ndio nina uzoefu nayo) ili ikusaidie kujua kuwa Leo akitaka  kuwa in control na ku-make love to you haina maana itakuwa hivyo siku zote za Mwezi. Inaeza tokea mara moja au Mbili tu.....usizoee!


Ili uwe Mfalme ni wazi kuwa unahita Malkia.......ila kumbuka Malkia hawezi kuwepo bila ya kuwa na Mfalme kwanza. Mwanamke kwanza!


Naheshimu na kuthamini Muda wako wapa, ahsante kwa kuichagua Blog hii.

Babai.

Saturday, 17 October 2015

Siku ya kwanza Kidatoni...Miaka 20 tangu Secondary!


Mwaka huu November inatimia Miaka 20, sasa sio mbaya kama nikiweka kumbukumbu zangu za safari yangu ya Shule kuanzia Msingi mpaka Secondari(intro hiyo hihihihi).



Siku ya kwanza naingia kama Mwanafunzi wa Kidato cha kwanza ili kuwa ngumu maana hakukuwa na mtu nilietoka nae Msingi. Wengi walikuwa wanajigawa kwa makundi kwasababu wanajuana kwa kutoka shule moja ya msingi ama shule zao zilikuwa jirani. Kulikuwa na Wanafunzi kibao kutoka Mlimani Shule ya Msingi, Olympio na Upanga(wajuajiii, mabishoo, Kiingereza kingii).





Ikabidi nitafute namna ya kujiunga nao, maana kati yao watakuwa na mimi Darasa moja.....nikaanza kutumia Tiketi ya Kuiba (naongea Kiingereza kwa Nyimbo hihihihihi). Nilikuwa najua nyimbo nyingi ahsante  "Double Compact something Cassete Music system".....unaweka Compact yako halafu unasimamisha ili kuandika mstari wa Wimbo husika. Nilikuwa na "book" full of nyimbo za RnB.




Baba(Mungu amrehemu) alikuwa anatununulia hizo eti tujifunze Kiingereza(hahahahaha) wengine mpaka leo hatujui Kiingereza na tunaishi na kufanya kazi Uingereza daah! achana na hili.....Basi nikaaa pembeni na Miatu yangu Mieupe ambayo 2002 ni Wazee tu ndio walikuwa wanavaa.(imerudi kwenye fashion though) nikaanza kuwa busy kuimba TLC's baby baby baby.


Viatu vyangu vilikuwa exctly like this....nilikwa na Nyeusi na Nyeupe


Mara Kengere ya Mstarini ikagongwa....zikaanza Risala za kutukaribisha nini na nini. halafu kupangwa Madarasani nakujitambulisha. Kwenye kujitambulisha nikatupia Tiketi nyingine ya " iaemu zionli pyupu to pass to zisi schooli fromu mai skuli" excactly like that.....nikapigiwa Makofi. Sasa kuimba na kuja Foronda peke yangu kati ya watoto Mia Sita waliofaulu Shuleni kwetu aii nikawa popular.





"Dinah unaweza kuimba wimbo huu.....Dinah nani ali-produce wimbo huu?".... zikawa nyingi hihihihihi. Nikaona hizi toto za "wakubwa" sio Level yangu....nikaanza kujichanganya na kila mtu. Kila siku nabadilisha Group....Darasa zima wakawa "marafiki" zangu. So hii sina "Best friend" imeanza kitambo sana bila mimi kujua.


Naheshimu na Kuthamini muda wako hapa, ahsante kwa kuichagua Blog hii.

Babai.