Namna ya Kumshukuru Mumeo bila kusema "Ahsante".

Ukiachilia mbali(naipenda hii msemo) kuwa Ahsante ni "common" kitu ambacho kinaondoa uzito na maana yake, pia neno hilo ni rahisi na kila mtu anaweza kuambiwa bila kumaanisha.

Mumeo sio mmoja ya hao watu, Mumeo ana umuhimu na uzito tofauti na watu wengine wote Maishani mwako(ukute ni mimi tu ndio nahisi hivyo).

 

Sasa kuanzia leo acha kukimbilia Ahsante kwenye kila jambo analokufanyia kama Mkewe na mlezi wa Familia(watoto wenu) yake. 

Moja, Wakati mwingine mpikie/andalie chakula/kinywaji anachokipenda.

Mpokee kama vile wanao wanavyompokea(bila kusema babaaa)....hiyo Pili.

Shikamaneni hivi ktk Ndoa.

Tatu, akikuudhi au ukiudhika na mambo mengine(unakaribia Hedhi) usimfanye alipe, hasa pale anapofika Nyumbani kutoka Kazini. Jaribu kumjulia hali, kumuacha apumzike na kisha ongea nae vizuri na kwa upendo/heshima.

Nne, Ilinde Ndoa yenu pale ambapo mambo yqmegona kuendi vema, mfano Kapoteza Kazi/Tenda/Biashara imabuma, badala ya kumpa Moyo, Matumaini na Ushirikiano....wewe unakimbilia kumpa suluhisho la wapi akatafute Kazi au "usijali kazi yangu itatulisha" na kuchukua nafasi yake au kumshutumu na kutishia kurudi kwenu(kuondoka).

Huo ni Wakati mgumu zaidi kwake kama Mwanaume hivyo wewe kama Mwenza wake unapaswa kumtuliza, mpa Moyo, Matumaini, Ushirikiano na Uhakika wa wewe kuendelea kusimama nae na kwamba unamuamini kuwa anaweza kurudi alipokuwa.

Baadhi hata hufikia mahali wanafananisha mafanikio ya Marafiki zao na anguko la Wenza wao. Ukiondoa anguko hilo la kiuchumi kabla, Mumeo alijitoa na anaendelea kujitoa kwa ajili yako na Watoto. Hivyo onyesha shukurani kwa kulinda Uhusiano wenu.

Kwa Mwanaume mwema, kuyumbika  kiuchumi ni Mzigo mkubwa sana unaokuja na Mwazo, Hofu na Uanaume wake kutetereka. Hali itakayomfanya ahisi kutoweza kuilinda na kuitubza Familia yake.

Hivyo wewe kama Mkewe unatakiwa kulinda Ndoa yenu, ili apate kujiamini nanhivyo kupata nguvu ya kufikiri, kusimama tena na kufanya awezalo ili kurudisha hali ya Uchumi kama ilivyokuwa awali na hata zaidi.

Tambua kwamba Muda wako hapa unathamani sana kwangu.

Bai.