Hello!
Naweka viraka mbinguni ujue(mekuwa busy namna hiyo).
Mwisho wa wiki nilipata wasaa wa kupekua pekuwa YouTube na huko nikakutana na "how to gain weight".....nikabofya na kuanza kusikiliza hadithi moja baada ya nyingine kuhusu Wanawake wanaotaka sana kunenepa.
Unajua unapomsikiliza mtu au kusoma hadithi yake na kuhisi kuwa anakysemea au kukuwakilisha wewe? Yaani anakugusa kumtima.
Nikakumbuka jinsi nilivyokuwa Chikonda (skinny)enzi zile nakua(nimeacha kukua nilipofikisha miaka 25 nadhani).
Story Time: Nilikuwa mwembamba kiasi kwamba baadhi ya watu walidhani nina Ugonjwa. Mmoja wa Binamu zangu alikuwa akiniambia "mtu mwenyewe maiti wewe.....umebaki mifupa tu".
Nilipofika late teen baadhi ya watu Familiani wakawa wanasema ninatoa mimba sana wakati sikuwa namjua mwanaume sasa sijui Mimba ziliingia kwa Roho mtakatifu!
Wengine walisema naiga Uingilishi figa na hivyo kutumia madawa ya kujikondesha.
Nilichoka kusakamwa kwa uchikonda wangu ambao sikuuomba. Nikaanza kunywa Uji wa Ulezi na kula Mayai na kunywa Maziwa kila leo. Kaka yangu akanifundisha mazoezi ya kukuza misuli ili nionekane mnene so nikaanza mazoezi ya kienyeji (kuchutama ili miguu na mapaja yanenepe, kunyanyua Nondo za 5kg ili ninenepe aka jazia mikono).
Matokeo yake nikawa nanenepa sehemu ya chini kwa nyuma pale kati ya mwili.....so nikawa naonekana mwembamaaa halafu nimebinuka aka chikonda mwenye tako lililojitokeza.....kikaambiwa naTigoliwa.....Wanadamu bwana daaaah!
Ikafikia mahali nikakubali tu kuwa mimi ni mwembamba so nikawa nafanya mazoezi kwa ajili ya kiafya na sio kunenepa tena.
Nikaambiwa nikizaa nitanenepa na kweli nilinenepa in which sikupenda Unene ule kwasababu sikuzoea kuwa Mnene so nikajitahidi na kurudia size yangu ya awali mara tu baada ya kujifungua.
Baada ya mtoto wa pili naona mwili hautaki kurudi pale 8-10.....nimefanya yote sahihi kwa Miaka miwili ili nirudie size yangu lakini wapi.
Sasa nimekubali AGAIN kuwa mimi ni chibonge sio kiviiile bali size 10-12. Will try and keep this sitaki kurudi size 14....*Size zote ni za UK.
Mimi mkimama wa kawaida (sio Celeb) nilitaka kupungua kwa sababu sikuzoea kuwa "mkubwa" sio kwasababu nilitaka niwe kama one of the Celebs.
Pamoja na kusema hivyo ni vema kuzoezeka na kula kwa juzingatia afya....sio kula makorokocho na Chips.
Babai.
Comments